U minułuju subotu, uviečary, na stancyju chutkaj i nieadkładnaj miedycynskaj dapamohi pastupiŭ zvanok ź vioski Kavali Vavierskaha sielsavieta Lidskaha rajona.
Žančyna paviedamlała, što padčas ježy mužčyna papiarchnuŭsia i pierastaŭ dychać. Na vyklik adpraviłasia bryhada miedykaŭ. Na žal, da ich pryjezdu 32-hadovy miascovy žychar užo nie padavaŭ prykmiet žyćcia. Była kanstatavana bijałahičnaja śmierć pacyjenta.
Ad taho, što za ježaj možna papiarchnucca, nichto nie zastrachavany. Tamu redakcyja «Lidskaj haziety» źviarnułasia da zahadčycy stancyjaj chutkaj i nieadkładnaj miedycynskaj dapamohi Hanny Symaniuk z prośbaj dać paradu, jak pavodzić siabie ŭ takich vypadkach.
— Kali čałaviek padaviŭsia ježaj, nastupajuć prykmiety ŭdušša, nie chapaje pavietra, jamu nieabchodna terminova akazać pieršuju dapamohu, — kaža Hanna Ściapanaŭna. — Raniej ličyłasia, što treba pastukać paciarpiełamu pa śpinie. Adnak heta nie pryniasie naležnaha efiektu. Varta stać zzadu paciarpiełaha, abchapić jaho rukami, saščapiŭšy ich u zamok pad rebiernaj duhoj, i mocna nacisnuć na žyvot. Ruch paŭtaryć niekalki razoŭ, pakul nie vyzvalacca dychalnyja šlachi čałavieka. Kali paciarpieły straciŭ prytomnaść, nieabchodna pakłaści jaho na bok i taksama abiedźviuma rukami, abchapiŭšy zzadu, naciskać pad rebiernaj duhoj.
Zahinuŭ biełaruski dobraachvotnik Vasil «Dzir» Rapicki12
Kamientary