Prezident Ukrainy, kandydat u kiraŭniki dziaržavy Piatro Parašenka, vystupajučy pierad žurnalistami na stadyjonie «Alimpijski» ŭ Kijevie, dapuściŭ, što ŭ druhim tury vybaraŭ pieramohu moža atrymać jaho supiernik akcior Uładzimir Zialenski.
«Kali nie daj boh jon [Zialenski] budzie abrany — heta budzie vybar ukrainskaha naroda», — zajaviŭ Parašenka. Sam jon, pavodle jaho słoŭ, budzie hety i «luby vybar» pavažać. «My demakratyčnaja dziaržava», — zapeŭniŭ palityk.
Adkazvajučy na pytańnie, ci budzie jon u vypadku projhryšu supracoŭničać z novym prezidentam — Zialenskim, jaki, jak i Parašenka, padtrymlivaje jeŭrapiejski šlach raźvićcia dla Ukrainy, kiraŭnik dziaržavy nahadaŭ pra svaju prahramu: jon padtrymlivaje jeŭra-i jeŭraatłantyčnuju intehracyju krainy i praciah svaich reformaŭ. Tamu, padkreśliŭ Parašenka, va Ukrainie tak ci inakš adbudziecca refierendum ab ustupleńni ŭ ES, i «prezident budzie nie suprać» tolki tamu, što inakš uvajści ŭ hetaje abjadnańnie respublika nie zmoža.
Taksama na stadyjonie dziejnaha prezidenta Ukrainy spytali, ci datyčny jaho štab da čornaha pijaru suprać Zialenskaha (napiaredadni druhoha tura vybaraŭ kiraŭnika dziaržavy ŭ internecie stali raspaŭsiudžvacca roznyja roliki z udziełam akciora; na adnym ź ich Zialenskaha źbivaje fura, a na inšym — akazvajecca, što paśla hetaha jon zastajecca žyvy, ale ŭvieś absypany biełym paraškom). «U mianie niama nijakich dokazaŭ, što Zialenski — narkaman. I ja nikoli jaho tak nie nazyvaŭ», — zajaviŭ, kamientujučy heta, Parašenka.
Kamientary