Ciapier jasna, što budzie na miescy razburanaha doma Maksima Hareckaha FOTAFAKT
Ni pamiatnaha znaka, ni inšaj zhadki — voś što my majem paśla razbureńnia ŭ 2012 hodzie doma, u jakim žyŭ Maksim Harecki. Dvuchpaviarchovy budynak, jaki pa pravu ličyŭsia sapraŭdnym pomnikam draŭlanaha dojlidstva, mieściŭsia la chimičnaha korpusa akademii ŭ Horkach. Na apošnim subotniku heta miesca ščylna zasadzili maładymi drevami, pišuć horki.info.
Na ŭsiu Biełaruś heta byŭ adziny zachavany da našaha času dom, u jakim žyŭ Maksim Harecki. Miascovyja čynoŭniki pryniali rašeńnie źnieści budynak padčas padrychtoŭki horada da «Dažynak». Suprać hetaha vystupili svajaki piśmieńnika i niekalki sotniaŭ miascovych žycharoŭ, jakija pastavili svaje podpisy pad adpaviednym zvarotam. Ministerstva kultury taksama rekamiendavała miascovym uładam zachavać dom i zrabić u im miemaryjalnuju kvateru piśmieńnika.
Maksim Harecki — kłasik biełaruskaj litaratury. Jon naradziŭsia ŭ Mścisłaŭskim rajonie. Vučyŭsia ŭ Horkach, a potym pracavaŭ zahadčykam kafiedry ŭ našaj akademii. Piśmieńnik staŭ achviaraj stalinskich represij i byŭ rasstralany ŭ 1938 hodzie.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary