Ministerstva suviazi i infarmatyzacyi 4 maja vypuskaje ŭ abaračeńnie paštovuju marku «200 hadoŭ z dnia naradžeńnia Stanisłava Maniuški», paviedamlaje Biełpošta.
Naminał marki M adpaviadaje taryfu na pierasyłku mižnarodnaj prostaj paštovaj kartki pryjarytetnaj.
Dyzajn marki raspracavała Alena Miadźviedź. U liście siem marak i adzin kupon. Pamier lista 127ch147 mm. Nakład marki 49 tysiač.
U dzień vypusku ŭ abaračeńnie ŭ adździaleńni paštovaj suviazi №1 Minska (krama «Fiłatelija», vuł. Maskoŭskaja, 16) projdzie śpiecyjalnaje hašeńnie na kanviercie «Pieršy dzień».
Dyzajn śpiecštempiela i kanvierta «Pieršy dzień» Aleny Miadźviedź.
Štiempiel śpiechašienija:
Prajekt padrychtavany pa materyjałach Nacyjanalnaj biblijateki Biełarusi i Nacyjanalnaha histaryčnaha archiva Biełarusi.
Biełaruski i polski kampazitar, dyryžor, piedahoh Stanisłaŭ Maniuška naradziŭsia 5 maja 1819 hoda ŭ majontku Ubiel Ihumienskaha pavieta Minskaj hubierni (ciapier vioska Ubiel Červieńskaha rajona Minskaj vobłaści). Maniuška viadomy jak stvaralnik polskaj nacyjanalnaj kłasičnaj opiery («Halka», pastaŭlena ŭ Varšavie ŭ 1858). Kamičnuju opieru «Idylija» («Sialanka», sumiesna z K. Kžyžanoŭskim), pastaŭlennuju ŭ 1852 hodzie ŭ Minsku, muzykaznaŭcy ličać pieršaj biełaruskaj opieraj, dziakujučy vykarystańniu ŭ libreta biełaruskaj movy (razam z polskaj) i biełaruskaha muzyčnaha falkłoru.
Jubilejnaja data — 200-hodździe z dnia naradžeńnia Stanisłava Maniuški — zaniesienaja ŭ Śpis pamiatnych dat JUNIESKA.
Kamientary