KDB aryštavaŭ Andreja Uciuryna — namieśnika staršyni Rady biaśpieki, byłoha načalnika słužby achovy Łukašenki
Kamitet dziaržaŭnaj biaśpieki zatrymaŭ Andreja Uciuryna — namieśnika kiraŭnika Rady biaśpieki, byłoha načalnika słužby achovy Alaksandra Łukašenki. Zaviedzienaja kryminalnaja sprava.
Katedž Uciuryna ŭ Drazdach-2 apiačatany.
Jak paviedamili «Našaj Nivie» vartyja davieru krynicy, vysokapastaŭleny siłavik byŭ zatrymany tydzień tamu. Detali pakul nieviadomyja, krynicy kažuć pra chabar.
Uciuryn — adzin z samych addanych łukašenkaŭskich hvardziejcaŭ.
Niekali jašče jahony baćka ŭznačalvaŭ elitnuju čaść Unutranych vojskaŭ 3214, a sam Andrej pajšoŭ u Słužbu biaśpieki prezidenta ŭ 1995-m i dasłužyŭsia da načalnika ŭ hetym viedamstvie, da jakoha ŭ Łukašenki samy vialiki davier.
Niekalki hadoŭ tamu «Naša Niva» ŭklučała jaho ŭ top-10 samych upłyvovych biełarusaŭ.
Andrej Uciuryn
Naradziŭsia ŭ 1971 u Pienzie. U 1992 skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 — Akademiju MUS Biełarusi. Ad 1995 — u słužbie achovy Łukašenki. Uznaharodžany ordenami «Za biezdakornuju słužbu» i «Za słužbu Radzimie». Kiraŭnik Słužby achovy ad 2007 hoda. Ad 2014 — namieśnik dziaržsakratara Rady biaśpieki.
Kamientary