Staršynia inhušskaha rehijanalnaha adździaleńnia partyi «Jabłyk» Rusłan Mucolhaŭ paviedamiŭ baj.by, što inhušski apazicyjny błohier i žurnalist Ismaił Nalhijeŭ zatrymany ŭ minskim aeraporcie pry vyjeździe z krainy. Svajaki aścierahajucca, što Nalhijeŭ budzie pieradadzieny rasiejskim uładam.
Pa słovach palityka, Ismaił Nalhijeŭ — błohier i žurnalist, adzin ź lidaraŭ pratestaŭ u Inhušecii, jaki časta sutykajecca ź pieraśledam pa palityčnych matyvach. Ismaił pavinien byŭ vylecieć ź Minska ŭ Jeŭropu 8 maja, ale byŭ zatrymany na pamiežnym kantroli ŭ suviazi z tym, što jon nibyta znachodzicca ŭ rasijskim śpisie asob, jakija adšukvajucca.
Infarmacyju pra heta Biełaruskaj asacyjacyi žurnalistaŭ paćvierdzili ŭ Mytnym kamitecie Biełarusi.
Uviečary 8 maja stała viadoma, što z Nalhijevym zmoh sustrecca advakat. Nalhijeŭ abvinavačany ŭ parušeńni Kodeksa ab administracyjnych pravaparušeńniach Respubliki Biełaruś, ale kankretnaja sutnaść abvinavačvańnia błohieru niezrazumiełaja.
10 maja ŭ Minsku adbudziecca administracyjny praces nad błohieram, jaki projdzie ŭ sudzie Kastryčnickaha rajona. Da hetaha času Nalhijeŭ budzie znachodzicca ŭ IČU.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1111
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata11
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary