Za vyniatkam bankaŭ i niabankaŭskich kredytna‑finansavych arhanizacyj. Ale ničoha nie havorycca pra skasavańnie normy ab jurydyčnym adrasie.
U Biełarusi z 1 lutaha 2009 hoda ŭvodzicca paŭnacenny zajaŭny pryncyp dziaržaŭnaj rehistracyi ŭsich subjektaŭ haspadarańnia, za vyklučeńniem bankaŭ i niabankaŭskich kredytna‑finansavych arhanizacyj. Ale ničoha nie havorycca pra skasavańnie normy ab jurydyčnym adrasie.Adpaviedny dekret numar 1 Alaksandr Łukašenka padpisaŭ 16 studzienia, paviedamili BIEŁTA u pres‑słužbie kiraŭnika dziaržavy.
Rehistracyja budzie ažyćciaŭlacca ŭ dzień padačy dakumientaŭ, nieabchodnych dla jaje ažyćciaŭleńnia. Pry hetym pieralik dakumientaŭ, što padajucca ŭ rehistrujučy orhan, minimalny.
Dla dziaržaŭnaj rehistracyi jurydyčnaj asoby nieabchodna budzie pradstavić tolki zajavu, statut i dakumient, jaki paćviardžaje vypłatu dziaržaŭnaj pošliny.A dla dziaržrehistracyi indyvidualnaha pradprymalnika — zajavu, fatahrafiju i dakumient, što paćviardžaje vypłatu dziaržaŭnaj pošliny. Pry pradstaŭleńni nieabchodnaha pakieta dakumientaŭ admova ŭ dziaržaŭnaj rehistracyi nie dapuskajecca.
Dziaržaŭnaja rehistracyja jurydyčnaj asoby budzie pravodzicca šlacham prastaŭleńnia ŭ dzień zvarotu štampa na jaho statucie i ŭniasieńnia zapisu ŭ Adziny dziaržaŭny rehistr jurydyčnych asob i indyvidualnych pradprymalnikaŭ, a indyvidualnych pradprymalnikaŭ — šlacham uniasieńnia zapisu ŭ taki rehistr. Paśviedčańnie ab dziaržaŭnaj rehistracyi pavinna być vydadziena na nastupny rabočy dzień.
Jurydyčnaja asoba, atrymaŭšy statut sa štampam, jaki śviedčyć ab praviadzieńni dziaržaŭnaj rehistracyi, a indyvidualny pradprymalnik — śviedčańnie ab dziaržaŭnaj rehistracyi,zmoža źviarnucca za vyrabam piačaciej (štampaŭ), za praviadzieńniem inšych jurydyčna značnych dziejańniaŭ, u tym liku adkryćciom rachunkaŭ u bankach, heta značyć pačać pradprymalnickuju dziejnaść litaralna na nastupny dzień paśla zvarotu ŭ rehistrujučy orhan.
Uvodziačy zajaŭny pryncyp rehistracyi, dziaržava raźličvaje na sumlennaść i prystojnaść z boku zasnavalnikaŭ jurydyčnych asob i indyvidualnych pradprymalnikaŭ. Zajaŭnik niasie ŭsiu paŭnatu adkaznaści jak za adpaviednaść zakanadaŭstvu dakumientaŭ, što pradastaŭlajucca dla rehistracyi, tak i za pravilnaść źviestak, jakija nazyvajucca ŭ ich.
Dziejnaść subjektaŭ haspadarańnia, dziaržaŭnaja rehistracyja jakich ažyćcioŭlena na padstavie zaviedama niapravilnych źviestak, što pradstaŭleny ŭ rehistrujučyja orhany, źjaŭlajecca niezakonnaj i zabaraniajecca, a ich dziaržaŭnaja rehistracyja pryznajecca niesapraŭdnaj.
Usie dachody, atrymanyja ad takoj dziejnaści, biez terminu daŭnaści, za ŭvieś pieryjad dziejnaści subjekta haspadarańnia padlahajuć spahnańniu ŭ miascovy biudžet. Sami ž asoby mohuć być pryciahnuty da adkaznaści, až da kryminalnaj, i majuć prava paŭtorna źviarnucca za dziaržaŭnaj rehistracyjaj tolki paśla zakančeńnia adnaho hoda z dnia pryznańnia dziaržaŭnaj rehistracyi niesapraŭdnaj.
Dekret značna spraščaje patrabavańni da ŭstanoŭčych dakumientaŭ subjektaŭ haspadarańnia. Admieniena nieabchodnaść nazyvańnia va ŭstanoŭčych dakumientach (paviedamleńnia rehistrujučym i padatkovym orhanam) ab mierkavanych da ažyćciaŭleńnia vidach dziejnaści, a taksama ŭniasieńnia ŭ takija dakumienty źmianieńniaŭ pry źmianieńni miescaznachodžańnia arhanizacyi (treba tolki paviedamić rehistrujučamu orhanu pra takoje źmianieńnie), stvareńni (likvidacyi) adasoblenych padraździaleńniaŭ (pradstaŭnictvaŭ, filijałaŭ). Dadatkova vyklučany patrabavańni da minimalnaha pamieru statutnaha fondu kamiercyjnych arhanizacyj, akramia akcyjaniernych tavarystvaŭ, bankaŭ i strachavych arhanizacyj. Vieličynia statutnaha fondu budzie vyznačacca jurydyčnymi asobami samastojna.
Adnačasova zamacoŭvajecca minimalny vyčarpalny pieralik dakumientaŭ, nieabchodnych dla adkryćcia biahučaha (raźlikovaha) rachunku ŭ banku, jaki značna skaročany ŭ paraŭnańni ź dziejučym. Dla adkryćcia biahučaha (raźlikovaha) rachunku nieabchodna pradstavić tolki zajavu, kartku z uzorami podpisaŭ, adbitku piačaci i kopiju statuta dla jurydyčnaj asoby (paśviedčańnia ab dziaržaŭnaj rehistracyi dla indyvidualnaha pradprymalnika). Pry hetym zaśviedčańnie sapraŭdnaści podpisaŭ asob i adbitkaŭ piačaci na kartkach uskładajecca na ŭpaŭnavažanych supracoŭnikaŭ banka.
Dekret taksama spraščaje praceduru likvidacyi subjektaŭ haspadarańnia, zamacoŭvaje pryncyp «adnaho akna» va ŭzajemaadnosinach dziaržaŭnych orhanaŭ pry praviadzieńni likvidacyjnaj pracedury. Usie nieabchodnyja dla praviadzieńnia pracedury likvidacyi źviestki buduć nakiroŭvacca rehistrujučamu orhanu dziaržaŭnymi orhanami, a nie subjektam haspadarańnia. Pry hetym ustanaŭlivajecca žorstki 30‑dzionny termin pradstaŭleńnia ŭpaŭnavažanymi orhanami infarmacyi ab zapazyčanaści subjektaŭ haspadarańnia pierad biudžetam, najaŭnaść jakoj pieraškadžaje zaviaršeńniu pracedury likvidacyi. Kali ŭ hety termin infarmacyja nie budzie pradstaŭlena, subjekt haspadarańnia likvidujecca niezaležna ad taho, ci jość u jaho takija daŭhi.
Pieralik padstaŭ dla likvidacyi jurydyčnych asob i spynieńnia dziejnaści indyvidualnych pradprymalnikaŭ maksimalna skaročany. Subjekt haspadarańnia moža być likvidavany tolki pa ŭłasnamu žadańniu, pa rašeńniu haspadarčaha suda (za parušeńni zakanadaŭčych aktaŭ pry bankructvie, źmianšeńni čystych aktyvaŭ nižej za pamier statutnaha fondu) i rehistrujučaha orhana (pry pryznańni zapazyčanaści subjekta bieznadziejnym doŭham, nieažyćciaŭleńni pradprymalnickaj dziejnaści na praciahu 12 miesiacaŭ zapar).
Jak adznačyli ŭ pres‑słužbie, vydańnie dekreta źjaŭlajecca jašče adnym značnym krokam u napramku libieralizacyi ekanomiki, źniaćcia biurakratyčnych barjeraŭ, jakija pieraškadžajuć pačatku viadzieńnia biźniesu, śviedčać ab daviery dziaržavy da subjektaŭ haspadarańnia i hatoŭnaści dziaržaŭnych orhanaŭ budavać partniorskija ŭzajemaadnosiny ź jurydyčnymi asobami i indyvidualnymi pradprymalnikam
Kamientary