Pra heta ŭ prahramie «Hałoŭny efir» na «Biełaruś 1» paviedamiŭ ministr ekanomiki Dźmitryj Krutoj pa vynikach udziełu biełaruskaj delehacyi ŭ viasnovaj siesii MVF i Suśvietnaha banka ŭ Vašynhtonie, paviedamlaje BiełTA.
Dźmitryj Krutoj prakamientavaŭ mahčymaści novaj prahramy Biełarusi z MVF. Raniej na adpaviednych pieramovach baki sprabavali zblizić pazicyi pa pytańniach pavyšeńnia žyllova-kamunalnych taryfaŭ i pryvatyzacyi dziaržpradpryjemstvaŭ. Pa słovach ministra, ciapier hetyja patrabavańni fonda «ŭ dačynieńni da Biełarusi nie abmiarkoŭvajucca i nie buduć prymianiacca». Jon miarkuje, što na situacyju moh paŭpłyvać niehatyŭny vopyt fondu, u tym liku va Ukrainie, dzie rezkaje pavyšeńnie taryfaŭ sparadziła mocny kryzis niepłaciažoŭ.
Ministr adznačyŭ, što kankretnych pieramoŭ pa kancepcie novaj prahramy z MVF padčas vizitu ŭ Vašynhton nie pravodziłasia. «Zychodziačy z mandata MVF, u pieryjad elektaralnych kampanij u nivodnaj z krain jany adpaviednuju prahramu nie ŭzhadniajuć i nie zaklučajuć», — rastłumačyŭ jon.
«Na praciahu hetaha hoda treba jašče raz pryncypova abmierkavać napramki, pa jakich my hatovyja zblizić svaje pazicyi», - dadaŭ Dźmitryj Krutoj.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty7
Kamientary