Ułady Kitaja abviaścili pra ŭviadzieńnie pavyšanych pošlin na šerah katehoryj tavaraŭ z ZŠA. Z 1 červienia 2019 hoda staŭki pošlin na šerah tavaraŭ z ZŠA ahulnym koštam $60 miljardaŭ buduć pavyšany i składuć u vyniku ad 10% da 25%.
Ministerstva finansaŭ Kitaja nazvała rašeńnie ab pavyšeńni pošlin adkazam na anałahičny krok uładaŭ ZŠA, što pavysili pošliny na impartujemyja z Kitaja tavary ahulnym koštam $200 miljardaŭ.
Kitajskaje ministerstva adznačyła, što dziejańni ZŠA parušajuć dasiahnutyja damoŭlenaści, škodziać intaresam abodvuch bakoŭ i nie adpaviadajuć čakańniam mižnarodnaj supolnaści.
Raniej u paniadziełak, 13 maja, prezident ZŠA Donald Tramp pryhraziŭ Kitaju ŭzmacnieńniem raniej pryniatych mier i paraiŭ Piekinu chutčej zaklučyć ździełku.
«Kitaju nie varta pomścić — budzie tolki horš! Ja adkryta kažu prezidentu Si i ŭsim maim šmatlikim siabram u Kitai, što Kitaju budzie vielmi drenna, kali vy nie zaklučycie ździełku», — napisaŭ Tramp na svajoj staroncy ŭ Twitter.
Kamientary