Rasijskija prapahandysty na fejk-pachavańni Darenki «razmaŭlali» ź miortvaj śpiavačkaj
Rasijski dziaržaŭny telekanał «Źviezda» zajaviŭ, što na pachavańni žurnalista Siarhieja Darenki pahavaryŭ z artystkaj Alenaj Abrazcovaj, chacia jana sama pamierła ŭ 2015 hodzie, a pachavańnia Darenki jašče nie było, paviedamlaje rasijski telekanał «Dožd́».
Materyjał «Źviezdy» byŭ apublikavany ŭ niadzielu, 12 maja. Adnak paźniej jaho vydalili.
Artystka nibyta «adznačyła», što Darenka nikoli nie išoŭ na kampramisy i kiravaŭsia ŭ svajoj prafiesijnaj dziejnaści tolki praŭdaj.
«Nizki jamu pakłon i viečnaja pamiać», — «dadała» Abrazcova.
Na hety momant navina adsutničaje na sajcie «Źviezdy» i ŭ kešach pošukavikaŭ.
Pry hetym, jak adznačaje «Dožd́», publikacyja jość u pošukavaj vydačy «Jandeksa».
Paśla taho, jak rasijskija ŚMI napisali pra kazus svaich kalehaŭ, «Źviezda» napisała abviaržeńnie.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Kamientary