Premjer-ministr Novaj Ziełandyi Džasinda Ardern viarnuła dziaŭčyncy 5 novaziełandskich dalaraŭ, z dapamohaj jakich taja sprabavała «padkupić» kiraŭnika ŭrada, kab jana pahadziłasia pravieści daśledavańnie drakonaŭ.
11-hadovaja Viktoryja prasiła ŭłady krainy nadzialić jaje telekinietyčnymi zdolnaściami, a taksama «chacieła vyśvietlić, što jany viedajuć pra drakonaŭ i ci znachodzili jany hetych istot, kab jana mahła ich treniravać».
Da lista dadavałasia banknota ŭ 5 novaziełandskich dalaraŭ (3,2 dalara ZŠA), jakuju premjer viarnuła.
Skrynšot lista ŭ adkaz Ardern źjaviŭsia na internet-forumie Reddit. Karystalnik napisaŭ, što jaho małodšaja siastra sprabavała «dać chabar Džasindzie».
Brat dziaŭčynki taksama paviedamiŭ, što cikavaść jaho siastry da telekiniezu ŭźnikła dziakujučy fantastyčnamu sieryjału Netflix «Vielmi dziŭnyja spravy», hałoŭnaja hierainia jakoha vałodaje takimi zdolnaściami.
U liście ŭ adkaz, sapraŭdnaść jakoha Bi-bi-si paćvierdziła pres-słužba premjer-ministra, Ardern napisała, što jaje administracyja padziakavała Viktoryi za jaje zvarot.
«My ź cikavaściu pačuli vašyja mierkavańni z nahody fiziki i drakonaŭ, ale, na žal, u ciapierašni momant my nie zajmajemsia pracaj u jakoj-niebudź z hetych śfier», — havorycca ŭ liście.
«Ja viartaju vam dasłanyja hrošy i zyču ŭsiaho najlepšaha ŭ pošukach telekiniezu, telepatyi i drakonaŭ», — napisała Ardern.
U kancy lista premjer prypisała ad ruki: «P.S. Ja ŭsio roŭna budu sačyć za hetymi drakonami. A jany nosiać kaściumy?»
Heta ŭžo nie pieršy list ad dziciaci, na jaki Ardern ułasnaručna adkazvaje.
U sakaviku ŭ tvitary źjaviŭsia skrynšot pasłańnia, jakoje premjer adpraviła ŭ adkaz na zvarot vaśmihadovaj dziaŭčynki, jakaja zajaviła, što jana ŭchvalaje «ideju ab zabaronie niebiaśpiečnaj zbroi».
U svaim liście Ardern zaklikała dziaŭčynku praciahvać rabić dabro.
Hetaja pierapiska adbyłasia nieŭzabavie paśla stralaniny ŭ miačeciach Krajstčerča, kali zahinuŭ 51 čałaviek.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary