Siarhiej Łazaraŭ, jaki zaniaŭ sioleta treciaje miesca na Jeŭrabačańni, zajaviŭ TASS pa telefonie z Tel-Aviva, što hatovy pradstaŭlać krainu i ŭ treci raz. Ale ŭ cełym ličyć pośpiecham i sioletni vynik.
«Ja, jak bajec, zaŭsiody hatovy», — skazaŭ Łazaraŭ, adkazvajučy na pytańnie TASS. Razam z tym jon adznačyŭ, što ciapier važna acanić dasiahnutaje ŭ konkursie, vyniki jakoha dla siabie jon ličyć vielmi hodnymi.
«Maru vyspacca i pabačyć syna, jaki vielmi sumuje. Jon dva tydni mianie nie bačyŭ», — skazaŭ Łazaraŭ.
Na pytańnie, ci ličyć jon abjektyŭnymi vyniki hałasavańnia prafiesijnaha žury, śpiavak adznačyŭ, što dla jaho heta «balučaje pytańnie».
«Viadoma, trochi kryŭdna, tamu što niekatoryja krainy hałasavali praduziata», — skazaŭ jon. Asabliva, pa jaho słovach, kryŭdna, što nie dali Rasii bałaŭ Biełaruś i Hruzija.
Biełaruskija hledačy addali Siarhieju Łazaravu 12 bałaŭ, a biełaruskaje prafiesijnaje žury nie hałasavała ŭ finale «Jeŭrabačańnia». Ekśpierty byli dyskvalifikavanyja, bo u intervju Tut.by razhałosili svaje pieravahi. Ale Siarhiej Łazaraŭ, imavierna, pra heta nie viedaje.
Razam z tym, adznačyŭ Łazaraŭ, šerah jeŭrapiejskich krain usio ž dali jamu niekalki bałaŭ. «U mianie byŭ vielmi składany numar, meta była — pakazać mianie ź inšaha boku. Heta mienavita vakalnaje vykanańnie, u adroźnieńnie ad 2016 hoda, kali ŭ centry numaru byŭ pierformans», — skazaŭ Łazaraŭ, dadaŭšy, što šmat chto z udzielnikaŭ konkursu asabista vykazaŭ zachapleńnie jaho vykanańniem.
Jon ličyć, što viartańnie na scenu Jeŭrabačańnia — surjoznaje vyprabavańnie dla artysta, jaki ŭžo byŭ na pjedestale, bo jość ryzyka pakazać bolš nizki vynik. Svajo treciaje miesca, zavajavanaje dvojčy na konkursie, vykanaŭca ličyć prykmietaj stabilnaści.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Kamientary