Zrobim heta pa-chutkamu: recept smačnaj tarcilli z kurycaj
Z nadychodam ciapła i soniečnaha nadvorja chočacca jak maha mienš času pravodzić doma, tym bolš na kuchni. Adzinaje žadańnie — heta pa-chutkamu pierakusić i biehčy na vulicu, kab pašpacyravać, pakatacca na rovary ci prosta pasiadzieć na łaŭcy, udychajučy pach bezu. I voś na takija momanty ŭ mianie jość chutkija recepty tarcilli.
Usio, što treba — heta prasnaki, syr i harodnina dla supierchutkaj stravy! A tyja, u kaho jość krychu bolš času, mohuć pasprabavać zrabić varyjant z kurycaj.
Nam spatrebicca:
- 4 tarcilli;
- 1 kurynaje file;
- 1 zubok časnaku;
- pałova limona;
- 1 st.ł. papryki;
- pierac čyli pa smaku;
- niekalki halinak piatruški;
- 1 č.ł. arehana;
- ½ słoika kukuruzy;
- 1 bałharski pierac;
- 1 čyrvonaja cybula;
- 100 hr. syru;
- sol, pierac;
- alej.
Kurynaje file režam na kavałki. Tym časam hatujem marynad: drobna narazajem časnok i piatrušku, ź limona vyciskajem sok, usio pieramiešvajem, dadajem śpiecyi (papryku, pierac čyli, arehana, sol i pierac). Zalivajem marynadam kurycu i pakidajem na chvilin 20.
Narazajem harodninu: pierac kubikami i cybulu paŭkolcami. Syr trom na tarcy. Z kukuruzy źlivajem vadu.
Kurynyja kavałački smažym na patelni da hatoŭnaści.
Biarom 2 tarcilli i vykładajem na ich paroŭnu kurycu, harodninu, kukuruzu, syr. Nakryvajem astatnimi prasnakami i zapiakajem u duchoŭcy 10 chvilin pry 180 hradusach, pakul nie rastanie syr (možna heta zrabić i ŭ mikrachvaloŭcy, i na hryl-patelni — u kožnym z vypadkaŭ budzie roznaja chrustkaść).
Hatovuju tarcillu narazajem na trochvuholniki i častujemsia.
Smačna jeści!
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary