NATA ŭpieršyniu za niekalki apošnich dziesiacihodździaŭ mianiaje svaju vajskovuju stratehiju. Hienieralny sakratar Paŭnočnaatłantyčnaha aljansu Jens Stołtenbierh u intervju niamieckamu štotydnioviku Welt am Sonntag patłumačyŭ hety krok nieabchodnaściu reahavać na rost «jadziernaj pahrozy» z boku Rasii. Vytrymki z hetaj hutarki apublikavała Die Welt.
«Našy ekśpierty na hetym tydni pryniali novuju vajskovuju stratehiju dla aljansu», - padkreśliŭ Stołtenbierh.
Pavodle jaho słoŭ, z 2014 hoda skłałasia «novaja abstanoŭka ŭ śfiery biaśpieki», paŭstali novyja vykliki na ŭschodzie i na poŭdni Jeŭropy.
Hienieralny sakratar NATA padkreśliŭ, što siła aljansu składajecca mienavita ŭ tym, kab «być u stanie źmianicca pry nieabchodnaści».
Hienieralny sakratar NATA nahadaŭ, što ŭ 2014 hodzie krainy - udzielnicy arhanizacyi damovilisia pavialičyć svaje vydatki na abaronu amal da dvuch pracentaŭ VUP.
Heta nie štučna prydumanyja ličby, jany «adlustroŭvajuć patreby, źviazanyja z vajennaj abaronazdolnaściu» aljansu, dadaŭ Stołtenbierh, adznačyŭšy, što meta zusim nie ŭ tym, kab pajści nasustrač patrabavańniam prezidenta ZŠA Donalda Trampa. Jon vitaŭ hatoŭnaść Hiermanii sioleta naraścić adpaviednyja pakazčyki da 1,35 adsotka VUP i vykazaŭ nadzieju na toje, što ŭ dalejšym jany buduć jašče pavialičany.
Zakranuŭ hienieralny sakratar NATA i pierśpiektyvu zaklučeńnia mirnaha pahadnieńnia z pradstaŭnikami radykalnaha isłamisckaha ruchu «Taliban» u Afhanistanie.
Stołtenbierh padkreśliŭ, što navat paśla hetaha etapu NATA pavinna być hatova da taho, kab jašče niekatory čas zastavacca ŭ respublicy dla padrychtoŭki miascovych siłaŭ biaśpieki i «dalejšaj padtrymki ŭrada ŭ adnaŭleńni krainy».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary