Na sajcie kniha.of.by apublikavanyja vyniki čytackaha hałasavańnia za «Knihu hodu».
Na pieršym miescy Jaŭhien Zubovič z knihaj «Biełaruski pałkoŭnik». Za jaje addali hałasy 176 čałaviek, abo 28% udzielnikaŭ hałasavańnia.
«Histaryčny raman raskryvaje dramatyčnuju panaramu padziejaŭ siaredziny XVII st. na ŭschodzie Biełarusi. Małady mahiloŭski šlachcic Kanstancin Pakłonski, były rotmistr vojska Vialikaha Kniastva Litoŭskaha, atrymlivaje list z Zaparožskaj siečy, jaki źmianiaje ŭsio jaho žyćcio. Heta kniha pra viernaść i zdradu, luboŭ da Boha, kachańnie da dziaŭčyny i składanyja žyćciovyja vykliki ź jakimi sutykajucca hieroi tvora. U ramanie pradstaŭleny postaci vialikaha litoŭskaha hietmana Januša Radziviła, maskoŭskaha cara Alaksieja Michajłaviča, ukrainskaha hietmana Bahdana Chmialnickaha i inšych histaryčnych asobaŭ», — havorycca ŭ anatacyi da knihi.
Na druhim miescy raman «Noč» Viktara Marcinoviča — 15,7%.
Treciaje miesca zaniaŭ archiŭny raman Siarhieja Šupy «Padarožža ŭ BNR» — 11,5%.
U minułyja hady, pavodle viersii čytačoŭ, knihami hodu stanavilisia «Radziva Prudok» Andrusia Horvata i «Biełarusalim» Paŭła Sieviarynca. Čytacki rejtynh maje simvaličnaje značeńnie. Vyniki hałasavańnia nie ŭpłyvajuć na aficyjnuju premiju i nie zaležać ad jaje. Nivodnaja z hetych knih nie atrymała premii PEN-Centra.
Pieramožcam hałasavańnia piśmieńnickaha žury premii PEN-Centra stała sioleta kniha Maryi Martysievič «Sarmatyja».
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary