Viarchoŭnaja Rada prahałasavała suprać adstaŭki premjer-ministra Ukrainy Uładzimira Hrojsmana. Za vykazalisia 97 deputataŭ, suprać - 63. Dla zaćviardžeńnia adstaŭki patrabavałasia nie mienš 226 hałasoŭ.
Parłamienckaja frakcyja «Błok Piatra Parašenki» vykazałasia suprać sychodu Hrojsmana. Va ŭmovach, kali Viarchoŭnaja Rada raspuščanaja i abjaŭleny pazačarhovyja parłamienckija vybary, adsutničaje kaalicyja i iduć razmovy pra defołt, nielha pakidać Ukrainu biez ŭrada, pakolki ŭsio heta moža pryvieści da poŭnaha chaosu, padkreśliŭ deputat ad BPP Vadzim Dzienisienka.
«Chaj pracuje», — prakamientavaŭ RBK aficyjny pradstaŭnik BPP u Radzie Alaksandr Čarnienka rašeńnie frakcyi pakinuć premjera. Rašeńnie parłamienta nie pazbaŭlać Hrojsmana mahčymaści bałatavacca ŭ Radu na daterminovych vybarach 21 lipienia, ale jon budzie zajmacca uradam, a nie vybarami, adznačyŭ Čarnienka.
Ciapier čytajuć
Babaryka: Kali b my pieramahli — vajny va Ukrainie nie było b21
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary