U aeraporcie aštrafavali dźviuch pjanych rasijanak. Śviedka: u samalocie jany śmiajalisia ź biełaruskaj movy
Dźviuch hramadzianak Rasii aštrafavali za znachodžańnie ŭ hramadskim miescy ŭ stanie apjanieńnia, paviedamlaje Onliner.by sa spasyłkaj na HUUS Minskaha harvykankama. Žančyny pryznali vinu, apłacili štraf, i ich adpuścili. Praŭda, na pierasadku ŭ Kijeŭ parušalnicy pravaparadku nie paśpieli.
Incydent adbyŭsia 31 maja ŭ aeraporcie «Minsk» paśla taho, jak rasijanki prylacieli z Sankt-Pieciarburha.
Čytačka «Anłajniera» Volha lacieła tym samym rejsam. Jana adznačaje, što rasijanki byli ŭ nieadekvatnym stanie:
«Śpiavali, razmachvali rukami, kryčali, sprabavali dastać bahaž inšych pasažyraŭ z palic. Dalej pačali vykrykvać abraźlivyja žarty ŭ adras usioj Biełarusi, śmiajalisia ź biełaruskaj movy, kali bortpravadnik rabiŭ abjavy».
Volha zapatrabavała ŭ bortpravadnika vyklikać milicyju pa prylocie. Jana adznačaje, što pravaachoŭniki nie chacieli składać pratakoł, adnak paśla jaje nastojlivych prośbaŭ usio ž pakarali rasijanak.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary