45 deputataŭ Siejma Łatvii prahałasavali za dalejšaje prasoŭvańnie inicyjatyvy pra znos pomnika Vyzvalicielam, piša Delfi. 30 deputataŭ byli suprać. Inicyjatyvu pieradaduć na razhlad kamisii Siejma pa zamiežnych spravach i kamisii pa adukacyi, kultury i navucy.
Nie ŭsie deputaty kirujučych partyj padtrymali inicyjatyvu. Deputat Artus Kajmińš (KPV LV) ličyć, što rašeńnie padarvać pomnik było b niapravilnym, bo pryviało b da raskołu hramadstva i pahrozy dla biaśpieki. Kajmińš prapanuje pierajmienavać pomnik i nazvać heta miesca miemaryjałam pamiaci ab savieckaj akupacyi.
Deputat Andrys Skrydzie («Dla raźvićcia/Za!») taksama ličyć, što demantavać pomnik nie varta. Jon prapanuje nie tolki źmianić jaho nazvu, ale i abstalavać u jaho padziemnych pamiaškańniach interaktyŭny muziej akupacyi.
Raniej Siejm adchiliŭ inicyjatyvu lidara Ruskaha sajuza Łatvii Taćciany Ždanok pra abaronu pomnika voinam-vyzvalicielam Ryhi.
Kamientary