Łukašenka schadziŭ na viesłavańnie z Vasilevič, Sankovič i siabrami FOTY
Alaksandr Łukašenka 27 červienia naviedaŭ spabornictvy pa viesłavańni na bajdarkach i kanoe II Jeŭrapiejskich hulniaŭ. Razam z kiraŭnikom dziaržavy na trybunach byli zaŭvažanyja try jaho syny.
Viktar i Dźmitryj raźmiaścilisia vyšej, u druhim šerahu, a Mikałaj — razam z baćkam. Z druhoha boku pobač z Łukašenkam siadzieła Mis Biełaruś — 2018 Maryja Vasilevič.
Taksama kampaniju kiraŭniku dziaržavy skłaŭ biznesoviec Alaksandr Mašenski, ułaśnik kampanij «Santa Bremar» i «Savuškaŭ pradukt». Byli i treniery — chakieist Michaił Zacharaŭ i tenisist Siarhiej Ciacieryn, ź jakimi Łukašenku źviazvajuć niefarmalnyja adnosiny. Pobač ź Ciacierynym siadzieła himnastka-alimpijka Ksienija Sankovič. Była i asabistaja doktarka kiraŭnika dziaržavy Śviatłana Kanašenka.
Łukašenka pryjšoŭ na spabornictvy ŭ spartovaj kurtcy z elemientami nacyjanalnaha arnamientu.
Biełaruskija vieślary ŭ hety dzień spabornictvaŭ papoŭnili skarbonku miedaloŭ na Jeŭrapiejskich hulniach. Zołata ŭziali Arciom Kozyr i Alena Nazdrova ŭ viesłavańni na kanoe na spryntarskaj dystancyi 200 mietraŭ. Jašče adno zołata zavajavała siońnia Maryna Litvinčuk u zajeździe na 5000 m.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary