Anisim: Usim budzie lepš, kali student adsłužyć pacla pieršaha kursu
Deputatka Pałaty pradstaŭnikoŭ Alena Anisim hałasavała suprać papravak u zakon, jakija vyznačajuć novy paradak adterminovak ad słužby ŭ vojsku, piša Radyjo Svaboda.
Ale jana nie suprać, kab junakoŭ pryzyvali da skančeńnia vyšejšaj adukacyi. Bolš za toje, jana ličyć, što najlepšy čas iści ŭ vojska — ź pieršaha kursu.
«Kali pastupiŭ, tak ci inakš budučynia akreślenaja, čałaviek z bolšaj hatoŭnaściu pojdzie addavać svoj abaviazak. Ja abmiarkoŭvała heta z tymi, chto adsłužyŭ padčas vučoby, i taki varyjant nie horšy».
Adnačasova jana vystupaje za skaračeńnie terminu słužby da hoda ź ciapierašnich 18 miesiacaŭ. Pry takoj umovie čałaviek nie paśpieje stracić viedy, ličyć Anisim.
«Kali havorka tolki pra hod adarvanaści ad univiersiteta i hatovaści armiejskich padraździaleńniaŭ intensifikavać kurs bajavoj padrychtoŭki — kab nie travu farbavali, a spravaj zajmalisia — nastupstvy buduć minimalnyja. Usio ž 12 miesiacaŭ biez vučoby — nie taki značny termin, jak u vypadku, kali heta vymiarajecca niekalkimi hadami».
Za prapanavanyja Ministerstvam abarony siońnia papraŭki prahałasavali 85 deputataŭ, 9 — suprać, 11 — ustrymalisia.
Kamientary