Staršynia Jeŭrarady Donald Tusk u noč na paniadziełak, 1 lipienia, byŭ vymušany pierapynić kansultacyi ab uzhadnieńni kandydatury novaha kiraŭnika Jeŭrakamisii zamiest Žana Kłoda Junkiera ŭ suviazi ź niemahčymaściu dasiahnuć zhody ni pa adnoj z prapanavanych kandydatur, piša Dw.de
Ranicaj u paniadziełak jon pravioŭ indyvidualnyja kansultacyi z kožnym z 28 prysutnych na pazačarhovym samicie ES ŭ Bruseli kiraŭnikoŭ dziaržaŭ i ŭradaŭ, paśla čaho ŭzhadnieńnie praciahnułasia ŭ pašyranym składzie.
Pryčynaj składanaściaŭ stała, jak adznačaje ahienctva Reuters, supraciŭ krain Vyšahradskaj hrupy (Polščy, Vienhryi, Słavakii i Čechii), jakaja advierhła kandydaturu niderłandskaha sacyjał-demakrata Fransa Tymiermansa. Kandydaturu Tymiermansa ŭ jakaści kampramisnaj fihury ŭ kančatkovym vyniku ŭchvalili kancler Niamieččyny Anhieła Mierkiel i prezident Francyi Emaniuel Makron.
Pa dadzienych krynic Reuters, Tusk, ubačyŭšy, što Tymiermans nie nabiraje naležnaj padtrymki, prapanavaŭ jašče try imieni, u tym liku i prezidenta Suśvietnaha banka (SB) Krystalina Hieorhijeva, ni adno ź jakich, zrešty, nie vyklikała masavaj padtrymki. Raniej ź liku kandydataŭ vybyŭ favaryt — niamiecki palityk Manfred Vebier, kandydaturu jakoha padtrymlivała Mierkiel.
Kamientary