Litva praz suchmień paprasiła Biełaruś dapamahčy adnavić uzrovień Vilii
Litva paprasiła Biełaruś dapamahčy adnavić uzrovień raki Vilii (Niarys), jakaja praciakaje ŭ abiedźviuch krainach, z pryčyny rezkaha padzieńnia ŭzroŭniu ŭ vyniku zasuchi, zajaviła ŭ sieradu Ministerstva navakolnaha asiarodździa.
Ministr Kiastucis Mažejka prainfarmavaŭ Ministerstva pryrodnych resursaŭ Biełarusi ab tym, što ŭ race Niarys (Vilija) na terytoryi Litvy situacyja stała krytyčnaja. Pa słovach ministra, źnižeńnie ŭzroŭniu vady pahražaje ekasistemam, fłory i faŭnie Niarysa, a taksama sudnachodstvu ŭ Litvie i Biełarusi.
«My spadziajomsia, što susiedzi prymuć da ŭvahi situacyju pry rehulavańni ŭzroŭniu vady ŭ Niarysie. Jany mohuć zapuścić bolš vady i hetak dapamahčy vodnaj fłory i faŭnie», — pryvodziacca ŭ paviedamleńni słovy Mažejka.
Pavodle słužby hidrałohii, uzrovień vady ŭ Vilii na terytoryi Litvy krytyčna nizki: ciapier jon na 41 sm nižejšy za siaredni ŭzrovień lipienia i na 73 sm nižejšy za siaredniehadavyja značeńni.
Vilija, jakuju pa-biełarusku nazyvajuć jašče Vialla (pa-litoŭsku Niarys), ciače praź Vilniu, Kiernavu i ŭpadaje ŭ Nioman kala Koŭna.
La vytokaŭ Vilii znachodzicca Vilejskaje vadaschovišča, tamu ŭ Biełarusi jość mahčymaść pavysić uzrovień vady ŭ race, adkryŭšy šluzy, adznačaje Dełfi.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary