U Pieciarburhu kachanki padčas seksu vypali ź dziaviataha pavierchu. Kavaler ustaŭ i syšoŭ
U rasijskim Sankt-Pieciarburhu kachanki vypali ź dziaviataha paviercha padčas seksu. Žančyna zahinuła, jaje partnior ustaŭ i syšoŭ, paviedamlaje «Fantanka».
Śviedkaj dziŭnaj historyi stała žycharka Nieŭskaha rajona Pieciarburha. U noč na 5 lipienia jana na ŭłasnyja vočy ŭbačyła, jak z akna doma pa praśpiekcie Salidarnaści vypaŭ televizar, a za im — žančyna i mužčyna. Vidavočca adrazu ž zajaviła ŭ palicyju.
Pravaachoŭniki znajšli pad aknom doma trup nieviadomaj hadoŭ 25-30 na vyhlad. Pobač lažaŭ raźbity televizar i čamuści švabra. Bolš palicejskija nikoha nie ŭbačyli.
Pavodle papiaredniaj viersii, zahinułaja vypivała ŭ kampanii čatyroch mužčyn u kvatery na dzieviatym paviersie. Zatym jana zaniałasia seksam z adnym z prysutnych na padvakońniku. Kachanki tak zachapilisia adzin adnym, što nie ŭtrymali raŭnavahi i sarvalisia. U vyniku žančyna zahinuła, a jaje partnior zmoh syści ź miesca zdareńnia samastojna.
Kamientary