Kab pachavać svajaka na Paŭnočnych mohiłkach, treba było dać chabar 1000 dalaraŭ
Pieršy namieśnik dyrektara — hałoŭny inžynier KUP «Śpieckambinat KBA» i načalnik adździeła materyjalna-techničnaha zabieśpiačeńnia hetaha ž pradpryjemstva za chabar davali miescy dla pachavańnia na mohiłkach «Paŭnočnyja», paviedamlaje pres-słužba milicyi.
— Złamyśniki karystalisia tym, što kolkaść svabodnych učastkaŭ dla pachavańnia abmiežavana. Tamu vyrašyć pytańnie stanoŭča prapanoŭvali za peŭnuju płatu. Hrošy pieradavalisia praz pasiarednikaŭ. Siaredniaja cana za mahiłu składała paradku $ 1000. My vyznačyli kala 170 miescaŭ pachavańnia, pravamiernaść vydzialeńnia jakich treba budzie vyśvietlić padčas apieratyŭnaj i śledčaj pracy, — raspaviali ŭ HUBAZiK MUS.
Akramia «pachavalnaj spravy», hałoŭny inžynier braŭ chabary i ad svaich padnačalenych, jakich abvinavačvaŭ u parušeńni pracoŭnaj dyscypliny. Za tavarna-materyjalnyja kaštoŭnaści, u tym liku śpirtnoje, kiraŭnik «admazvaŭ» rabotnikaŭ śpieckambinata za spaźnieńni, niećviarozy vyhlad abo niesumlennaje vykanańnie abaviazkaŭ.
Zaraz jon znachodzicca ŭ SIZA. U dačynieńni da jaho raspačatyja kryminalnyja spravy pa č.1 i č.2 art.430 KK (atrymańnie chabaru). Maksymalnaje pakarańnie praduhledžvaje pazbaŭleńnie voli terminam da 10 hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary