Paraŭnoŭvajem ceny na pradukty ŭ «Hipa» ź siarednimi pa krainie — možna zekanomić da 100%
Nacyjanalny statystyčny kamitet Biełarusi štomiesiac publikuje siarednija ceny pa krainie na pradukty i pasłuhi. My praanalizavali červieńskuju spravazdaču Biełstata i znajšli 10 praduktaŭ, ceny na jakija ŭ hipiermarkietach «Hipa» akazalisia nižejšymi.
Sasiski (7,76 rubla ŭ siarednim pa krainie za 1 kh)
Skład sučasnych sasisak u 1805 hodzie prydumaŭ niemiec Iahan Łanier. Peŭny čas jon žyŭ u Frankfurcie, a paśla pierajechaŭ u Vienu, dzie i vyrabiŭ svaje znakamityja sasiski ź jałavičyny i śvininy, jakija my jamo pa siońnia. Ciapier žychary Frankfurta i Vieny spračajucca, kamu naležyć honar i słava za stvareńnie papularnaha pradukta: u Niamieččynie sasiski rabili z časoŭ Siaredniaviečča, ale mienavita ŭ stalicy Aŭstryi vynajšli sučasny skład.
Siaredniaja cana na sasiski i sardelki ŭ červieni spyniłasia na ŭzroŭni 7 rubloŭ 76 kapiejek. U kramach «HIPA» pa 24 lipienia kiłahram «Małočnych» Viciebskaha miasakambinata možna nabyć za 5,69. Bolš za dva rubli ekanomii.
Pielmieni (5,95 rubla za 1 kh)
Jak sasiski, tak i pielmieni asacyjujucca sa studenckim ładam žyćcia. Kaštujuć pradukty niašmat, a hatujucca prosta i chutka. Ale lubiać ich i tamu, što pry hetym vychodzić smačna.
U červieni kiło pielmieniaŭ u siarednim pa Biełarusi kaštavała 5,95 rubla. U kramach «HIPA» ž možna nabyć 400-hramovy pačak handlovaj marki «Dabroŭski» sa śvininaj i jałavičynaj za 2,15 rubla. Kali nabyć kiłahram, to ŭdasca zekanomić 58 kapiejek.
Jajki kurynyja (1,92 rubla za dziasiatak)
Adnym z paradoksaŭ, nad vyrašeńniem jakoha z časoŭ antyčnaści bjucca najlepšyja rozumy čałaviectva, źjaŭlajecca pytańnie pra toje, što było raniej: kuryca abo jajka.
Jašče adzin paradoks — z pačatku hoda siarednija ceny na jajki źnizilisia na 30 kapiejek. U studzieni dziasiatak jajek kaštavaŭ 2,22 rubla, a ŭ červieni — užo 1,92. Redkaja źjava dla našaj krainy.
Ale ŭ «HIPA» da 24 lipienia možna nabyć jajki jašče tańniej. Dziasiatak S-1 kaštuje ŭsiaho 1,29.
Rys (2,47 rubla za 1 kh)
Rys — adna z samych staražytnych raślin, jakija ŭžyvajucca čałaviekam u ježu. U rehijonach, dzie tradycyjna apracoŭvajuć rys na płantacyjach — trapičnych i subtrapičnych rehijonach Azii, Afryki i Amieryki, — rys pryraŭnoŭvajuć da chleba pa raspaŭsiudžanaści i častacie ŭžyvańnia.
800-hramovy pačak doŭhaziernievaha šlifavanaha rysu handlovaj marki «Vielmi!» («Očień!») u kramach «HIPA» kaštuje 1,49 rubla. U pieraliku na kiło atrymlivajem 1,86 — bolš za 60 kapiejek ekanomii.
Zhuščanaje małako (2,43 rubla za 400 hr)
Važnaje pytańnie, jakoje padzialaje biełarusaŭ: hłybockaja ci rahačoŭskaja zhuščonka smačniejšaja?
My nie voźmiemsia tut być ekśpiertami, tolki zirniom z punktu hledžańnia vyhady. U siarednim banka zhuščanaha małaka z cukram kaštavała ŭ červieni 2,43 rubla.
U «HIPA» 380-hramovuju banku łasunka z Hłybokaha možna nabyć za 1,79. U vyniku ekanomim 54 kapiejki.
Raślinny alej, akramia aliŭkavaha (2,82 rubla za 1 ł)
Siońnia na palicach kram možna znajści mnostva roznych vidaŭ raślinnaha aleju, ale najbolš papularnym zastajecca słaniečnikavy. Rafiniravany i dezadaryravany alej lepš vykarystoŭvać dla smažańnia, bo paśla niekalkich stupieniaŭ ačystki źnikaje charakterny słaniečnikavy pach. A nierafiniravany alej dobra dadavać u sałaty, kab byŭ smak i vodar.
U červieni litr słaniečnikavaha aleju ŭ siarednim kaštavaŭ 2,82 rubla. «HIPA» zaprašaje ŭ svaje kramy pa słaniečnikavy alej «Ideal» — 2,39 za litrovuju butelku.
File sieladca ŭ roznych sousach ci zaliŭkach (2,55 rubla za ŭpakoŭku vahoj 250 hr)
Što moža być smačniejšym dapaŭnieńniem da śviežazvaranaj bulby? Sieladziec — samaje toje!
U červieni 250-hramovaja ŭpakoŭka file sieladcu kaštavała ŭ siarednim 2,55 rubla. U «HIPA» 500 hram file-kavałačkaŭ «Macias» ź zielaninaj možna nabyć za 3,99 (vychodzić, 250 hr — 2 rubli) — chopić i na bulbu, i na sieladziec pad šubaj, a jašče i ekanomija.
Minieralnaja vada (1,06 rubla za 1 ł)
Raźliŭ minieralnych vod u hiermietyčna zakrytuju ŭpakoŭku paśla papiaredniaha hazavańnia dazvalaje zachavać ich solevy skład. Heta daje mahčymaść pić lačebnyja vody nie tolki na admysłovych kurortach.
Lačebna-stałovyja minieralnyja vody možna ŭžyvać jak stałovy napoj, tak i sistematyčna — dla lačeńnia.
Da 24 lipienia ŭ kramach «HIPA» dvuchlitrovaja butelka minieralnaj vady «Minskaja-4» kaštuje ŭsiaho 99 kapiejek! Z ulikam taho, što ŭ siarednim litr «minierałki» ŭ červieni kaštavaŭ 1,06 rubla, atrymlivajem bolš za 100% ekanomii.
Voś tut možna pačytać, jak zdabyvajecca «Minskaja-4».
Kvas (1,25 rubla za 1 ł)
Dla tych, kamu «minierałka» padajecca sumnym napojem, jość mnostva inšych varyjantaŭ. Naprykład, kvas. Pienny napoj karystajecca stabilna vysokim popytam u śpiakotu.
U kramach možna znajści roznyja vidy kvasu: z parečkami, z sadavinaj, navat bieły kvas. Ale zvyčajny kvas bradžeńnia zastajecca nieŭmiručaj kłasikaj. Litr napoju ŭ červieni ŭ siarednim kaštavaŭ 1,25 rubla.
Da 24 lipienia ŭ «HIPA» paŭtara litra «Staražytnaha» možna nabyć za 1,29 — ličy, paŭlitra atrymlivaješ u padarunak.
Cukierki ŭ šakaładzie (13,58 rubla za 1 kh)
Chto z nas nie lubić šakaładnyja cukierki? Usie viedajuć, što šmat sałodkaha jeści škodna, ale jak utrymacca pierad vielizarnym asartymientam łasunkaŭ, što prapanoŭvajuć kramy?
U «HIPA» kiłahram cukierak «Minski hryljaž» ź viasiołym vožykam na abhortcy kaštuje 8,99 rubla — na 4,5 rubla tańniej za siaredni košt. Nie admaŭlacie sabie ŭ takoj smakacie!
Padsumoŭvajem:
| Pradukt | Siaredniaja cana pa krainie, rubli | Akcyjnaja cana ŭ «HIPA» pa 24 lipienia, rubli | Ekanomija |
| Sasiski | 7,76 za kiło | 5,69 za kiło («Małočnyja», Viciebski MK) | 2,07 |
| Pielmieni | 5,95 za kiło | 5,37 za kiło («Dabroŭski» ź jałavičynaj i śvininaj, 400 hram — 2,15) | 0,58 |
| Jajki kurynyja | 1,92 za dziasiatak | 1,29 za dziasiatak (S-1) | 0,63 |
| Rys | 2,47 za kiło | 1,86 za kiło («Očień!», 800 hram — 1,49) | 0,61 |
| Zhuščanaje małako | 2,43 za 400 hram | 1,88 za 350 hram (Hłybokaje, 380 hram — 1,79) | 0,55 |
| Raślinny alej | 2,82 za litr | 2,39 za litra (słaniečnikavy alej «Ideal» — 2,39) | 0,43 |
| File sieladcu ŭ sousie abo zaliŭcy | 2,55 za 250 hram | 2,00 za 250 hram (kavałački «Macias» ź zielaninaj — 3,99 za 500 hram) | 0,55 |
| Vada minieralnaja | 1,06 za litr | 0,50 za litr («Minskaja-4», 2 ł — 0,99) | 0,56 |
| Kvas | 1,25 za litr | 0,86 za litr («Staražytny», 1,5 ł — 1,29) | 0,39 |
| Cukierki ŭ šakaładzie | 13,58 za kiło | 8,99 za kiło («Minski hryljaž») | 4,59 |
Usie akcyjnyja prapanovy tut:
Najbližejšuju krama «Hipa» možna znajści pa spasyłcy!
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary