Źniščalniki Paŭdniovaj Karei adkryli papieradžalny ahoń pa rasijskim vajennym samalocie
Samaloty VPS Paŭdniovaj Karei zrabili papieradžalnyja streły ŭ bok rasijskaha vajennaha samalota paśla jaho ŭvarvańnia ŭ pavietranuju prastoru krainy nad Uschodnim moram. Pra heta paviedamlaje ahienctva Yonhap.
Rasijski samalot parušyŭ terytaryjalnuju prastoru Paŭdniovaj Karei pablizu paŭdniova-ŭschodnich astravoŭ Takto ciaham dvuch karotkich pieryjadaŭ.
Typ samalota nie paviedamlajecca.
Paśla ŭvachodu ŭ karejskuju zonu SPA (KADIZ) rasijski samalot uvajšoŭ u pavietranuju prastoru ŭ 9:09. U adkaz karejskija VPS padniali niekalki samalotaŭ, uklučajučy F-15K i F-16K, kab adsačyć samalot.
Jany sprabavali źviazacca z samalotam, a potym vypuścili sihnalnyja rakiety i zrabili papieradžalnyja streły. Rasijski samalot paśla troch chvilin znachodžańnia pakinuŭ karejskuju pavietranuju prastoru.
Adnak prykładna ŭ 09:33 jon znoŭ parušyŭ pavietranuju prastoru Paŭdniovaj Karei, prabyŭšy tam čatyry chviliny.
Vajenny samalot Rasii byŭ adnym z troch, jakija ŭvajšli ŭ zonu identyfikacyi supraćpavietranaj abarony Karei, dva kitajskija samaloty taksama byli zafiksavanyja ŭ hetaj zonie.
Heta byŭ pieršy vypadak, kali rasijski vajskovy samalot parušyŭ pavietranuju prastoru Paŭdniovaj Karei.
Ministerstva abarony Paŭdniovaj Karei płanuje vyklikać pradstaŭnikoŭ rasijskich i kitajskich pasolstvaŭ i padać notu pratestu.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary