Budynki zavoda Kirava ŭ centry Minska pradali za $8 miljonaŭ. Što budzie na ich miescy?
Siońnia na aŭkcyjonie za $8 miljonaŭ pradali niekalki budynkaŭ zavoda Kirava na vulicy Čyrvonaarmiejskaj, raspaviali ŭ Centry pramysłovaj acenki. Što raźmieścicca na hetaj terytoryi daviedaŭsia tut.by.
Kompleks budynkaŭ zavoda Kirava pačali pradavać jašče ŭ 2003 hodzie, ale častka ich była realizavanaja tolki ŭ 2013-m kampanii «Biełnaftahaz». Astatnija zbudavańni pradali tolki siońnia i tolki z čaćviortaj sproby pry źnižeńni cany na 30%.
Jak raspavioŭ dyrektar Centra pramysłovaj acenki Mikałaj Muzyčenka, na aŭkcyjon pastupiła adna zajaŭka. Tamu łot syšoŭ z małatka pa canie na 5% vyšejšaj za pačatkovuju — za 16 434 835,20 biełaruskaha rubla (kala 8 młn dalaraŭ). Jaho kupiła niadaŭna zarehistravanaja (mabyć, pad hetyja mety) biełaruskaja kampanija, nazva jakoj pakul nie ahučvajecca.
Voś jak ciapier vyhladaje nabyty joj abjekt:
Hety ŭčastak padlahaje transfarmacyi sa znosam raźmieščanych na im vytvorčych budynkaŭ i zbudavańniaŭ dla nastupnaha raźmiaščeńnia šmatfunkcyjanalnaha hramadskaha kompleksu z błokam budynkaŭ administracyjna-dziełavoha pryznačeńnia sa ŭbudavana-prybudavanymi abjektami handlu, bytavoha absłuhoŭvańnia i hramadskaha charčavańnia i žyłym błokam.
Tut taksama prapisana raźmiaščeńnie dziciačaha sadu na 75 miescaŭ. Pa słovach Muzyčenki, pieramožcu aŭkcyjonu zadavalniaje kancepcyja raźvićcia.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary