U Biełarusi zatrymali źbiehłaha rasijskaha čynoŭnika. Jon išoŭ prasić prytułku va Ukrainie
Były načalnik departamienta rekłamy ministerstva pa kiravańni dziaržaŭnaj majomaściu Śviardłoŭskaj vobłaści Ihar Razunin, jaki źnik u śniežni 2018 hoda napiaredadni čarhovaha pasiadžeńnia suda pa svajoj kryminalnaj spravie, byŭ zatrymany pry sprobie pierasiekčy miažu ź Biełaruśsiu. Jak raspaviała Znak.com jaho žonka Jana Razunina, ciapier jon znachodzicca ŭ SIZA ŭ Homieli.
Pa słovach žančyny, jaje muža zatrymali na padstavie taho, što jon byŭ abjaŭleny ŭ vyšuk, a taksama zavočna aryštavany ŭ Rasii. «Ja daviedałasia pra toje, što jaho zatrymali, 8 červienia. Jamu dali mahčymaść ździejśnić zvanok, kab skazać. Ad jaho heta i daviedałasia, što jon sprabavaŭ pierasiačy miažu z Ukrainaj, kab zapytać tam palityčnaha prytułku, ale, na žal, jamu nie ŭdałosia hetaha zrabić. Hetyja paŭhoda my suviaź nie padtrymlivali», — raspaviała Jana Razunina.
Zaraz, pa jaje słovach, z Razuninym padtrymlivaje suviaź jahony advakat. Nakolki jana viedaje, Rasija jašče nie nakiravała ŭ Biełaruś pakiet dakumientaŭ ab ekstradycyi eks-čynoŭnika. Sam Ihar Razunin padaŭ prašeńnie ab palityčnym prytułku ŭ Biełarusi, ale, jak pryznajecca jaho žonka, «šancaŭ mała».
Razunina zatrymali 22 śniežnia 2016 hoda ŭ jaho pracoŭnym kabiniecie. Pa viersii śledstva, hrošy, jakija znajšli ŭ šafie kabinieta, Razuninu pakłaŭ pasiarednik, jaki dziejničaŭ ad imia chabaradavalnika — adnaho z rekłamščykaŭ Jekaciarynburha. Pry hetym pramoj pieradačy hrošaj Razuninu nie było, kiraŭnik departamienta rekłamy nie datykaŭsia da hrošaj.
Iharu Razuninu pradjaŭlenaje abvinavačvańnie ŭ atrymańni chabaru. Paźniej było dadadziena abvinavačańnie ŭ atrymańni chabaru, źviazanaje z hrupaj asob, jakija viali roznuju haspadarčuju dziejnaść. Sam Razunin i jaho abarona asprečvajuć dačynieńnie čynoŭnika da złačynstva.
3 śniežnia, napiaredadni čarhovaha pasiadžeńnia suda, Ihar Razunin źnik. Z tych časoŭ pra jaho ničoha nie było viadoma.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary