Karatkievič z «Havary praŭdu» nie pojdzie na vybary ŭ Pałatu pradstaŭnikoŭ
Adna z dvuch lidarŭ hramadzianskaj kampanii «Havary praŭdu» Taciana Karatkievič nia budzie vyłučacca na vybarach u Pałatu pradstaŭnikoŭ u listapadzie. Pra heta jana paviedamiła Svabodzie.
«Ja doŭha ŭzvažvała ŭsie «za» i «suprać» i siońnia mahu zajavić: admaŭlajusia ad asabistaha vyłučeńnia. Vyrašyła dapamahać našym vyłučencam. Ich budzie nia mieniej za 30. Ja ŭpeŭnienaja, što moj patranaž daść bolej karyści dla «Havary praŭdu», čym asabisty ŭdzieł u vybarčaj kampanii», — skazała Karatkievič.
Karatkievič zhadvaje, što adzin z asnoŭnych pastulataŭ kampanii «Havary praŭdu» — u krainie pavinien być nie adzin, a šmat lidaraŭ.
«Krainie patrebna 100 Karatkievič, a moža i bolš. A ŭsim viadomamu palityku nieabchodnaja alternatyva. Voś i budziem jaje stvarać. Mienavita z hetaj pryčyny ja i nie vyłučajusia sama ŭ deputaty. Budu padtrymlivać našych kandydataŭ. Tut i kaardynacyja, i natchnieńnie, i navat kastynh», — kaža Karatkievič.
U 2016 hodzie Taciana Karatkievič brała ŭdzieł u vybarach u Pałatu pradstaŭnikoŭ, ale prajhrała ŭ svajoj akruzie inšaj pradstaŭnicy apazycyi — Hańnie Kanapackaj z Abjadnanaj hramadzianskaj partyi.
Taciana Karatkievič kaža, što apošnim časam aktyŭnaja hramadzianskaja pazycyja pačała znachodzić zapatrabavanaść u hramadztvie.
«Ludzi ŭsio čaściej schilajucca nie da čynavienstva i nie da klasyčnaj apazycyi. Ich usio bolej pryvablivaje hramadzianskaje staŭleńnie da prablemaŭ. Asabliva miascovych. «Havary praŭdu» padkazvaje ludziam, što i jak jany pavinny zrabić. I bačym zvarotnuju suviaź. Tamu, kali hetyja vybary buduć choć zbolšaha sumlennyja, my spadziajomsia na deputackija mandaty», — razvažaje liderka «Havary praŭdu».
Jana taksama spadziajecca, što mienavita praca ź ludźmi sioleta dazvolić «Havary praŭdu» pavialičyć svaju prysutnaść siarod naziralnikaŭ i siabraŭ vybarčych kamisij roznych uzroŭniaŭ.
Taciana Karatkievič kaža, što da zaviaršeńnia kampanii vybaraŭ u Pałatu pradstaŭnikoŭ małavierahodna, što «Havary praŭdu» nazavie imia svajho kandydata na prezydenta. Najchutčej, heta adbudziecca paśla parlamenckich vybaraŭ.
«A heta i blizka, i daloka. Dla nas hałoŭnaje — mabilizacyja hramadztva. Na heta i budziem pracavać. A tam moža atrymacca ŭsio što zaŭhodna. Niavažna, chto budzie hety kandydat. Važna toje, jakija mety my stavim i što my robim».
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary