Nacyjanalny bank Biełarusi płanuje paśla 2020 hoda inflacyju na ŭzroŭni 4 pracenty. Ab hetym paviedamiŭ staršynia praŭleńnia Nacbanka Pavieł Kałaur u intervju vydańniu fDi Magazine, jakoje ŭvachodzić u hrupu The Financial Times, paviedamlaje BiełTA.
«Kali razmova idzie ab inflacyi, naša meta na biahučy i nastupny hod - 5 pracentaŭ. Paśla hetaha my płanujem inflacyju na ŭzroŭni 4 pracenty», - skazaŭ Pavieł Kałaur.
Biahučuju situacyju jon apisaŭ jak zbałansavany i ŭstojlivy ekanamičny rost. U Nacbanku aceńvajuć ekanamičny rost u 2019 hodzie na ŭzroŭni kala 2,9 pracenta, prahnoz na 2020 hod - 2,5 pracenta.
Što datyčycca płanaŭ krainy pa ŭstupleńni ŭ Suśvietnuju handlovuju arhanizacyju Pavieł Kałaur adznačyŭ, što nie bačyć nijakich prablem z punktu hledžańnia pytańniaŭ, jakija ŭvachodziać u kampietencyju Nacyjanalnaha banka. Jon źviarnuŭ uvahu, što ŭstupleńnie ŭ SHA važna dla Biełarusi, pakolki razmova idzie nie tolki ab raźvićci ekspartu, ale i ab jaho dyviersifikacyi, što źjaŭlajecca klučavym dla krainy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary