13-15 lutaha ŭ muziei Janki Kupały - ekskursii dla zakachanych
- Hetkim ščyrym kachańniem jaje atuliŭ,
Hetkaj łaskaj hladzieŭ ŭ jaje sumnyja vočy, -
Jak i sonca nie tulić raskviečanych niŭ,
Jak i zory ludziam nie ŭhladajucca ŭnočy!
Janka Kupała
Kachańnie… zdavałasia b, zvyčajnaje słova… Ale mienavita hetaje pačućcio napaŭniaje sensam naša žyćcio, robić nas mocnymi i rašučymi…
Ja kachaju ciabie… Dziela hetych troch słoŭ čałaviek i žyvie na ziamli…
Nabližajecca samaje pryhožaje dla ŭsich zakachanych śviata – Dzień Śviatoha Valancina.
Dziaržaŭny litaraturny muziej Janki Kupały, paeta, tema kachańnia ŭ tvorčaści jakoha zajmaje značnaje miesca, rychtujecca da hetaj padziei.
13, 14, 15 lutaha ŭ muziei pravodziacca ekskursii dla zakachanych.Jon i Jana adčujuć lohki dotyk Kupałavaj paezii, što himnam hučyć u honar hetaha śviatoha pačućcia. Buduć čytacca vieršy paeta pra Kachańnie, a mužčyny u Domie Kupały zmohuć vieršavanymi radkami paeta jašče raz pryznacca ŭ kachańni Toj Adzinaj, abo sami napisać niekalki pryhožych słoŭ.
13 lutaha ŭ 17.00 adbudziecca viečaryna dla zakachanych. Vykanaŭca – vydatny biełaruski kampazitar, bard Aleś Kamocki, razam z hołasam jakoha adrazu traplaješ u pałon Pani Miełodyi, zabyvaješ pra budzionnuju mituśniu… Buduć hučać aŭtarskija pieśni, pieśni na słovy Maksima Bahdanoviča, Uładzimira Karatkieviča, hałoŭnaja tema jakich – Kachańnie… U kožnaha naviedvalnika źjavicca ŭnikalnaja mahčymaść na niekatory čas pieranieścisia ŭ krainu maraŭ, na vostraŭ Lubovi…
***
13, 14, 15 lutaha dźviery muzieja ceły dzień buduć adčynieny dla ŭsich zakachanych! Kachajcie, kachajcie kožny dzień, kožnuju chvilinku, kožnaje imhnieńnie…
Prychodźcie ŭ Dziaržaŭny litaraturny muziej Janki Kupały, i ŭ Vas, i Vašaha lubimaha čałavieka na niekatory čas ŭ rytmie Lubovi zabjecca serca…
Daviedki pa teł. 227-78-66
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary