Karajeŭ vykazaŭsia pra śmierć 19-hadovaha ŭčastkovaha ŭ Dokšycach
Ministr unutranych spraŭ Juryj Karajeŭ prakamientavaŭ karespandentu «Našaj Nivy» situacyju sa śmierciu 19-hadovaha ŭčastkovaha.
Čytajcie: Pamior 19-hadovy ŭčastkovy, jakoha ŭ dokšyckim bary ŭdaryŭ inšy milicyjant
«Naša Niva»: U hramadstvie pytańnie nakont zdareńnia ŭ Dokšycach — jak 19-hadovy moža być učastkovym? Niaŭžo taki niedachop kadraŭ?
Juryj Karajeŭ: Ja całkam padzialaju bol rodnych, mnie vielmi niepryjemna, što heta adbyłosia ŭ šerahach milicyi. Sapraŭdy, u milicyju pavinny abirać darosłych, adukavanych chłopcaŭ, jakija ŭžo skłalisia.
Jość sistema, kali 19-hadovy chłopiec moža być małodšym učastkovym. Heta nie aficerskaja pasada, jon pakul rychtujecca stać učastkovym. Ale kali b jamu byŭ 21 hod, lepš by ad hetaha nikomu nie stała. Jon, na naš pohlad, nie zusim sfarmavany junak. Ale, kaniečnie, vypadak dziki, takoha być nie pavinna.
Ale toj, chto jaho ŭdaryŭ, — jon ža na svabodzie. Tam ekśpiertyza jašče pakaža, ci hety ŭdar staŭ asnoŭnaj pryčynaj śmierci, ci tolki spravakavaŭ.
Tut pytańnie ab jakaści vajenna-miedycynskaj kamisii: jak my z takim pryzvali. Raźbiarecca śledstva, i raźbiaromsia my z našymi zahadami pa adbory i miedahladzie pa ŭsich kryteryjach. I hety vypadak nie pakiniem, zrobim vysnovy, kab minimizavać mahčymaści takich vypadkaŭ.
Usio heta pobytavaje, heta nie słužbovaje. Dva chłopcy ŭ nievialikim adździele ŭ maleńkim rajonie… Jany pavinny siabrami być usie, kaho im dzialić? Cyvilizavana raźbiracca va ŭsich situacyjach: dziaŭčyna tam, nie dziaŭčyna… Nie moža milicyjanier — samy zakonapasłuchmiany čałaviek — tak lehkadumna siabie pavodzić, niejkija razborki ładzić z tavaryšam. Vy adnaho koleru, u vas adny pahony. Niepryjemny vypadak.
«NN»: U milicyi skłaŭsia taki imidž, što ŭ kamientaryjach niekatoryja ludzi navat hetaha junaka nie škadujuć — a jak toj imidž palepšyć?
Juryj Karajeŭ: A imidž — heta što takoje? Kali my pyžymsia, kab zdavacca lepšymi, čym jość. U našym vypadku treba kazać pra dziełavuju reputacyju: być, a nie zdavacca. Tady ŭsio budzie dobra.
Aryštavany 75‑hadovy Źmicier Sańko — vieteran-vydaviec3
Kamientary