Saudaŭskaja Aravija adnaviła adhruzku nafty paśla ataki dronaŭ, ale «ŭsio pa-raniejšamu kiepska»
Saudaŭskaja naftavaja kampanija Saudi Aramco častkova adnaviła adhruzku syraviny na karabli paśla taho, jak niekatoryja abjekty kampanii byli atakavanyja dronami. Naftu atrymali niekatoryja klijenty firmy. Pra heta paviedamlaje Reuters sa spasyłkaj na try krynicy, źviazanyja z bujnymi naftapierapracoŭčymi zavodami ŭ Azii. Surazmoŭcy ahienctva pakazali, što adhruzka idzie ŭ narmalnym režymie.
Bloomberg zaznačaje, što Er-Ryjad paabiacaŭ azijackim klijentam vykanać usie ŭmovy pa kantraktach, niahledziačy na źnižeńnie zdabyčy nafty. Śćviardžajecca, što abjomy zastanucca raniejšymi. U toj ža čas, poŭnaje adnaŭleńnie zdabyčy nafty da zvyčajnych značeńniaŭ moža zaniać niekalki miesiacaŭ, adnak zapasaŭ syraviny chopić na 26 dzion.
«Usio pa-raniejšamu drenna», - kanstatavała adna z krynic Reuters.
Kamientary