Саудаўская Аравія аднавіла адгрузку нафты пасля атакі дронаў, але «ўсё па-ранейшаму кепска»
Саудаўская нафтавая кампанія Saudi Aramco часткова аднавіла адгрузку сыравіны на караблі пасля таго, як некаторыя аб'екты кампаніі былі атакаваныя дронамі. Нафту атрымалі некаторыя кліенты фірмы. Пра гэта паведамляе Reuters са спасылкай на тры крыніцы, звязаныя з буйнымі нафтаперапрацоўчымі заводамі ў Азіі. Суразмоўцы агенцтва паказалі, што адгрузка ідзе ў нармальным рэжыме.
Bloomberg зазначае, што Эр-Рыяд паабяцаў азіяцкім кліентам выканаць усе ўмовы па кантрактах, нягледзячы на зніжэнне здабычы нафты. Сцвярджаецца, што аб'ёмы застануцца ранейшымі. У той жа час, поўнае аднаўленне здабычы нафты да звычайных значэнняў можа заняць некалькі месяцаў, аднак запасаў сыравіны хопіць на 26 дзён.
«Усё па-ранейшаму дрэнна», - канстатавала адна з крыніц Reuters.
Каментары