Charčovym i niecharčovym kramam, jakija z 19 vieraśnia abaviazali pradavać papiarovyja pakiety, dali dva miesiacy na ich zakupku. Štrafavać za adsutnaść tavaru na praciahu hetaha času nie buduć. Pra heta paviedamili TUT.BY ŭ Ministerstvie antymanapolnaha rehulavańnia i handlu.
Nahadajem, 19 vieraśnia ŭstupiła ŭ siłu pastanova Ministerstva antymanapolnaha rehulavańnia i handlu, jakaja abaviazała charčovyja i niecharčovyja kramy, paviljony i aŭtazapraŭki pradavać papiarovyja pakiety. Heta značyć, što z hetaha dnia jany pavinny byli źjavicca ŭ handlovych abjektach. U bujnych univiermahach, hipiermarkietach i supiermarkietach, da prykładu, pavinna być pa 2—3 vidy pakietaŭ.
U pastanovie havorka idzie pra papiarovyja pakiety ŭ cełym, jakija buduć pradavacca jak tavar.
Dakumient užo ŭstupiŭ u siłu, tamu zakanamierny pytańnie, ci źjavilisia jany ŭ kramach.
— Handlovym abjektam dali 2 miesiacy, kab jany paśpieli zamović nieabchodny tavar i pryvieści svoj asartymient u adpaviednaści z asartymientnym pieralikam, — rastłumačyli ŭ MARHu. — Kali na praciahu hetaha terminu padčas manitorynhu pakietaŭ u prodažy nie akažacca, štrafavać kramy nie buduć.
Heta značyć asabliva patrabavalnym pakupnikam skardzicca na toje, što papiarovych pakietaŭ nie akazałasia ŭ prodažy, najbližejšyja 2 miesiacy nie varta.
Dalej adsutnaść papiarovych pakietaŭ ŭ prodažy budzie ličycca parušeńniem asartymientnaha pieraliku. Za heta pradaŭcu mohuć dać štraf da 10 bazavych, abo da 255 rubloŭ.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary