Džonsan admoviŭsia pakidać pasadu premjera biez zvalnieńnia karalevaj Brytanii
Premjer-ministr Vialikabrytanii Borys Džonsan nie sydzie ŭ adstaŭku, kali Brusel adchilić jaho ŭmovy vychadu krainy ź Jeŭrapiejskaha sajuza abo kali parłamient vykaža jaho ŭradu votum niedavieru. Jon pakinie svaju pasadu tolki ŭ vypadku, kali jaho zvolnić karaleva Lizavieta II, piša The Sunday Times sa spasyłkaj na niekalki členaŭ urada.
Surazmoŭcy haziety ŭ Kansiervatyŭnaj partyi dadali, što premjer nie padaść u adstaŭku, navat kali budzie ŭstanoŭlena, što jon parušyŭ zakon, jaki zabaraniaje vychad sa składu ES biez pahadnieńnia.
«Pakul palicyja nie źjavicca kala dźviarej Daŭninh-stryt, 10 z orderam na aryšt premjer-ministra, jon nie sydzie», - skazaŭ adzin z vyšejšych siabroŭ tory.
Krynicy vydańnia kažuć, što parłamientaryi navat abmiarkoŭvali mahčymaść pryznačeńnia na pasadu premjera śpikiera pałaty abščyn Džona Bierkou, ale ŭ kančatkovym rachunku jany ŭsumnilisia ŭ jaho zdolnaściach zaručycca padtrymkaj bolšaści.
The Sunday Times nahadvaje, što ŭ apošni raz manarch Vialikabrytanii zvalniaŭ kiraŭnika ŭrada ŭ 1834 hodzie.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary