Nobiela pa litaratury atrymali Takarčuk i Handkie — polka z ukrainskimi karaniami i aŭstryjec sa słavienskimi
Nobieleŭskuju premiju pa litaratury atrymali polskaja piśmieńnica Volha Takarčuk i aŭstryjski piśmieńnik słavienskaha pachodžańnia Pieter Chandkie.
BREAKING NEWS:
The Nobel Prize in Literature for 2018 is awarded to the Polish author Olga Tokarczuk. The Nobel Prize in Literature for 2019 is awarded to the Austrian author Peter Handke.#NobelPrize pic.twitter.com/CeKNz1oTSB
Pryčym Takarčuk atrymała premiju za 2018 hod, a Handkie za 2019 hod. Letaś premija pa litaratury z-za seks-skandału nie ŭručałasia.
Volha Takarčuk naradziłasia ŭ 1962 h. u siamji vychadcaŭ z Ukrainy. Debiutavała zbornikam vieršaŭ. U 1993-m vyjšaŭ jaje pieršy raman «Šlach ludziej knihi».
Premija Takarčuk prysudžanaja z farmuloŭkaj «za apaviadalnaje ŭjaŭleńnie, jakoje z encykłapiedyčnym zapałam pakazvaje pierasiačeńnie miažy jak formu žyćcia». U 2018 hodzie Takarčuk stała pieršaj piśmieńnicaj z Polščy, jakaja atrymała mižnarodnuju Bukieraŭskuju premiju za raman «Biehuny». Jana taksama źjaŭlajecca łaŭreatam šerahu inšych polskich i mižnarodnych litaraturnych premij.
Nobieleŭskaja łaŭreatka Takarčuk u intervju «NN»: Pra što b ni pisaŭ piśmieńnik, jon robić palityčny vybar
Pieter Handkie — viadomy aŭstryjski piśmieńnik i dramaturh. Naradziŭsia ŭ 1942 h. Jaho maci — karyncijskaja słavienka.
Handkie raniej padviarhaŭsia krytycy za padtrymku režymu Słabadana Miłošaviča. U 2006 hodzie Handkie vystupiŭ na pachavańni byłoha lidera Sierbii, paśla čaho była admieniena insceniroŭka pjesy piśmieńnika «Hulnia ŭ pytańni ci padarožža ŭ zvonkija ziamli» ŭ paryžskim teatry Comédie-Française.
Zhodna z rašeńniem Šviedskaj akademii navuk, Handkie atrymaŭ Nobieleŭskuju premiju pa litaratury 2019 hoda «za ŭpłyvovyja pracy, jakija z moŭnaj vynachodlivaściu daśledavali pieryfieryju i śpiecyfiku čałaviečaha vopytu».
U paviedamleńni Nobieleŭskaha kamiteta adznačajecca, što, vypuściŭšy za apošnija 50 hadoŭ mnostva tvoraŭ roznych žanraŭ, Chandkie zarekamiendavaŭ siabie jak adzin z samych upłyvovych piśmieńnikaŭ paślavajennaj Jeŭropy.
Pierakładčyca Takarčuk na biełaruskuju movu: U 2010 jana imhnienna adreahavała na padziei Płoščy
-
Vyjšła kniha šaržaŭ na Jakuba Kołasa i Janku Kupału
-
U novym biełaruskim vydaviectvie TAMAKA, jakoje choča zakryć nišu vizualnaha mastactva, vyjšła debiutnaje vydańnie
-
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
Kamientary