Žychar Pružanaŭ źviarnuŭsia ŭ milicyju z zajavaj pra źniknieńnie aŭtamabila 2008 hoda vypusku. Jak paviedamlaje pres-słužba UUS Bresckaha abłvykankama, mužčyna pakinuŭ «Falksvahien» u dvary doma, dzie pražyvaje jaho brat. Uviečary aŭtamašyna źnikła z dvarovaj stajanki.
Milicyjanty vyjavili, što da brata aŭtaŭładalnika pryjšli hości — try raniej sudzimyja žychary Pružanaŭ. Padčas viečarynki haspadar doma zasnuŭ. Tady adzin z haściej uziaŭ klučy ad čužoj mašyny, i ŭsia trojca pajechała ŭ susiedniuju viosku.
Adnak mienavita ŭ hetaj vioscy naradziŭsia ŭładalnik mašyny. Jaho ziemlaki pabačyli znajomaje aŭto ź nieviadomym šafioram i zatelefanavali haspadaru.
Haspadar «Falksvahiena» złaviŭ taksoŭku i pajechaŭ na pošuki svajho aŭto. Jamu ŭdałosia nie tolki znajści mašynu, ale i niejki čas jaje pieraśledvać.
Praŭda, zatrymaŭ uhonščykaŭ usio ž taki ekipaž DAI. Pry hetym adzin z uhonščykaŭ spaŭ.
Na 35-hadovaha kiroŭcu skłali pratakoł za kiravańnie biez pravoŭ u pjanym vyhladzie. Akramia hetaha, na jaho pačali kryminalnuju spravu za ŭhon.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary