Жыхар Пружанаў звярнуўся ў міліцыю з заявай пра знікненне аўтамабіля 2008 года выпуску. Як паведамляе прэс-служба УУС Брэсцкага аблвыканкама, мужчына пакінуў «Фальксваген» у двары дома, дзе пражывае яго брат. Увечары аўтамашына знікла з дваровай стаянкі.
Міліцыянты выявілі, што да брата аўтаўладальніка прыйшлі госці — тры раней судзімыя жыхары Пружанаў. Падчас вечарынкі гаспадар дома заснуў. Тады адзін з гасцей узяў ключы ад чужой машыны, і ўся тройца паехала ў суседнюю вёску.
Аднак менавіта ў гэтай вёсцы нарадзіўся ўладальнік машыны. Яго землякі пабачылі знаёмае аўто з невядомым шафёрам і затэлефанавалі гаспадару.
Гаспадар «Фальксвагена» злавіў таксоўку і паехаў на пошукі свайго аўто. Яму ўдалося не толькі знайсці машыну, але і нейкі час яе пераследваць.
Праўда, затрымаў угоншчыкаў усё ж такі экіпаж ДАІ. Пры гэтым адзін з угоншчыкаў спаў.
На 35-гадовага кіроўцу склалі пратакол за кіраванне без правоў у п'яным выглядзе. Акрамя гэтага, на яго пачалі крымінальную справу за ўгон.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары