Stała viadomaja piaciorka dziaŭčat, jakija pradstaviać Biełaruś na mižnarodnym konkursie madelaŭ plus-sajz
Siońnia žury abviaściła piaciorku tych, kamu vypaŭ šaniec pradstavić Biełaruś na konkursie pryhažości madelaŭ plus-sajz, jaki adbudziecca ŭ Kijevie 5-10 listapada.
Siarod pieramožcaŭ nacyjanalnaha adboru žury vybrała:
1. Viktoryja Klaviec, dyzajnierka i instruktarka pa stryp-płastycy.
2. Iryna Vajnickaja, błohierka.
3. Natalla Kaleśnikava, biznesvumien z Homiela.
4. Inha Bulickaja, hałoŭny dziaržaŭny padatkovy inśpiektar
5. Alina Voŭčanka, kandydat navuk, psichołah.
Ale faktyčna ad Biełarusi jedzie šeść dziaŭčat. Nahadajem, što Vanesa Marskaja, choć i budzie pradstaŭlać Nihieryju, ale rychtavacca budzie razam ź biełaruskimi ŭdzielnicami.
Dyrektarka konkursu Jaŭhienija Ciulenieva pryznałasia «Našaj Ninie», što sama nie čakała, što tak ciažka budzie vybrać finalnuju piaciorku.
«Treci dzień u nas usich balić hałava. I heta nie prydumki. Spačatku skaracili śpis da siami dziaŭčat, paśla doŭha mučylisia, ale narešcie pryniali rašeńnie skaracić śpis da šaści čałaviek. Paśla vahalisia nad pytańniem, moža pakinuć šaściorku, ale my nie pavinny pieraŭtvarać mižnarodny konkurs u Mis Biełaruś. Paviercie, rašeńnie dałosia vielmi ciažka. My chacieli pakazać, što dziaŭčaty plus-sajz mohuć być roznaha rostu, roznaha ŭzrostu, i navat roznaha pamieru. Plus-sajz — heta i 46 pamier adzieńnia, i 54. Ale chaču zaŭvažyć, što heta konkurs. Pieramožcami nie mohuć być usie. Tamu spadziajusia na toje, što tyja, chto nie trapiŭ u piaciorku sioleta, nie buduć mieć na žury kryŭdu i pasprabujuć svaje siły na nastupny hod», — raskazała Jaŭhienija Ciulenieva.
Kamientary