23-hadovy Uładzisłaŭ Sysa byŭ zarehistravany kandydatam u deputaty ad Bresckaj-Uschodniaj vybarčaj akruhi №3. Ale potym kamisija admianiła rehistracyju.
Pryčynaj stała toje, što małady čałaviek vučycca na dzionnym u mahistratury Varšaŭskaha ŭniviersiteta i nie pražyvaje pastajanna ŭ Biełarusi.
«Budu abskardžvać, kaniečnie, — prakamientavaŭ Uładzisłaŭ «Našaj Nivie». — Juryst kaža, što pryčyna admovy durnaja, pryplali artykułaŭ jak abhruntavańnie, ale jany naohuł ź inšaj opiery. U Polščy ja na vučobie, i hety fakt kaža pra toje, što ja časova znachodžusia ŭ inšaj krainie, i heta nijak nie moža paŭpłyvać na moj status «pastajanna pražyvaje na terytoryi Biełarusi».
Chłopiec dadaje, što ŭžo byli vypadki, kali kandydatami na vybary rehistravali tych, chto žyvie za miažoj.
«Zianon Paźniak i jaho rehistracyja ŭ 2001-m, Niaklajeŭ u 2010-m, choć jany naohuł źjechali z krainy», — arhumientuje student.
Uładzisłaŭ Sysa raniej skončyŭ univiersitet u Lublinie pa śpiecyjalnaści «palitołah». Jon vystupaje za ŭstupleńnie ŭ Jeŭrasajuz, dekryminalizacyju artykuła 328 (za narkotyki), admienu płatnych pikietaŭ.
Kamientary