Alaksandr Łukašenka pravioŭ u Nur-Sułtanie sustreču ź pieršym prezidentam Kazachstana Nursułtanam Nazarbajevym, pieradaje BIEŁTA.
Nursułtan Nazarbajeŭ napiaredadni viarnuŭsia ŭ Nur-Sułtan ź Japonii, dzie braŭ udzieł u cyrymonii intranizacyi impieratara. Sustreču z kiraŭnikom Biełarusi, pavodle jaho słoŭ, jon ni ŭ jakim razie nie chacieŭ admianiać. «Usio ž my stolki razam pieražyli, samyja ciažkija momanty. Nam prychilnaści ŭ družbie mianiać ŭžo pozna. Spadziajusia, my zaŭsiody zastaniemsia siabrami, - skazaŭ pieršy prezident Kazachstana. - Śviet źmianiajecca, vakoł nas usio mianiajecca. U hetaj situacyi zachavać toje, što było, vielmi važna».
Jon dadaŭ, što jak hanarovy staršynia JEAES płanuje pryniać udzieł u nastupnym samicie sajuza, jaki ŭ śniežni adbudziecca ŭ Sankt-Pieciarburhu. Alaksandr Łukašenka adkazaŭ, što abjadnańnie vielmi maje patrebu ŭ dapamozie pieršaha prezidenta Kazachstana, jaki byŭ inicyjataram stvareńnia JEAES. «Ja ŭ Armienii zaŭvažyŭ, što čahości nam nie dastaje, i kažu svaim kaleham: treba terminova jaho zvać. Voś i pastupiła ahulnaje zaprašeńnie, kab vy jak hanarovy staršynia našaha» ordena «prysutničali ŭ Piciery, i my ŭzhadali staryja časy, namiecili pierśpiektyvu, stratehiju», - skazaŭ kiraŭnik dziaržavy.
Łukašenka taksama raspavioŭ ab praviedzienych pierahavorach sa svaim kazachstanskim kaleham Kasym-Žamartam Takajevym, padkreśliŭšy, što baki damovilisia pa ŭsich pytańniach z paradku dnia. Nursułtan Nazarbajeŭ taksama ličyć, što krainam treba naroščvać supracoŭnictva i ŭzajemny handal. «U nas jość što prapanavać adzin adnamu», — padkreśliŭ jon.
Prastoru JEAES, dadaŭ palityk, pavinna adkryvać darohu ŭ tym liku i dla raźvićcia dvuchbakovaha supracoŭnictva, a nie budavać pieraškody. «Viadoma, heta nie sprava. My chočam kupić u vas, dapuścim, vuhlevadarody, nafta, ale nie možam nijak damovicca. My vyrašyli, što z dvuch bakoŭ budziem padciskać našych sajuźnikaŭ», - zajaviŭ Alaksandr Łukašenka.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary