Adpaviedny zakonaprajekt užo pastupiŭ na razhlad u polski parłamient, piša Polskaje radyjo.
Ministerstva achovy zdaroŭja Polščy płanuje ŭvieści novyja praviły pryjomu na pracu lekaraŭ z-za miežaŭ Jeŭrasajuza. U pryvatnaści, takim uračam nie treba było b prachodzić nastryfikacyju dypłoma. Heta moža pryciahnuć u Polšču lekaraŭ, žadajučych tut zastacca na pastajannuju pracu.
U polskaj słužbie achovy zdaroŭja staić vostraja prablema ź niedachopam kadraŭ: lekaraŭ, miedsiostraŭ i paramiedykaŭ.
Miarkujecca, što dazvoł na pracu lekaram budzie vydavacca ŭ kankretnaj polskaj balnicy paśla prachodžańnia ispytu, jaki daje im prava na prafiesijnuju dziejnaść u Polščy.
Dla realizacyi inicyjatyvy treba ŭnieści papraŭki ŭ Zakon ab prafiesijach lekara i stamatołaha. Prajekt źmienaŭ užo pastupiŭ u Siejm Polščy. Pakul nieviadoma, kali jaho razhledziać deputaty. U prajekcie havorycca pra pryjom na pracu zamiežnaha ŭrača biez nastryfikacyi dypłoma na maksimalny termin da piaci hadoŭ i ŭ vyznačanuju ŭstanovu achovy zdaroŭja. Kančatkovaje rašeńnie ab pracaŭładkavańni prymała b Akruhovaja miedyčnaja pałata — rehijanalny orhan lekarskaha samakiravańnia.
Pavodle śpiecyjalistaŭ, źmianieńni datyčać pierš za ŭsio ŭračoŭ ź Biełarusi i Ukrainy.
U Polščy ŭračy — adna z prafiesijnych katehoryj z najlepšymi zarobkami. Zarpłaty polskich lekaraŭ na ŭzroŭni 3-4 tysiačy jeŭra (u pieravodzie sa złotych) źjaŭlajucca standartam.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi6
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary