Dackaje enierhietyčnaje ahienctva dało dazvoł na budaŭnictva ŭčastka hazapravoda «Paŭnočny patok — 2», jaki prachodzić pa kantynientalnym šelfie Danii na paŭdniovy ŭschod ad vostrava Barncholm u Bałtyjskim mory. Pra heta havorycca ŭ paviedamleńni viedamstva.
U ahienctvie rastłumačyli, što, u adpaviednaści z kanviencyjaj AAN pa marskim pravie i z zakonam ab kantynientalnym šelfie, ułady Danii abaviazany vydavać dazvoły na budaŭnictva tranzitnych trubapravodaŭ pry ŭmovie zachavańnia patrabavańniaŭ, nakiravanych na abaronu navakolnaha asiarodździa. Pry hetym ułady majuć prava paznačyć maršrut takoha trubapravoda.
U viedamstvie patłumačyli, što kampanija Nord Stream 2 AG prapanavała roznyja varyjanty maršrutu hazapravoda «Paŭnočny patok — 2» praz akvatoryju Danii. Vyvučyŭšy ich, Dackaje enierhietyčnaje ahienctva paličyła lepšym samy karotki varyjant, pry jakim hazapravod abhinaje vostraŭ Barncholm z paŭdniovaha ŭschodu. Takim čynam, praciahłaść dackaha ŭčastka «Paŭnočnaha patoku-2» składzie 147 km.
Kamientary