Asoby ŭ cyvilnym raźbili hukaaparaturu i złamali kardonnuju fihuru błohiera Nexta na sustrečy z vybarcami kala Ratušy ANŁAJN
Kala 500 čałaviek sabralisia na akcyju, inicyjavanuju biełaruskimi błohierami, na płoščy Svabody ŭ Minsku. «NN» viedzie ź jaje anłajn-repartaž.
4 listapada videabłohier Ściapan Puciła zaklikaŭ biełarusaŭ praz svoj Telegram-kanał pryjści na akcyju, kab vyrašyć: kudy pavinna ruchacca kraina. Mierapryjemstva prajšło jak pieradvybarčy pikiet kandydataŭ u deputaty.
Sam Ściapan, jaki žyvie ŭ Varšavie, na pikiet u Minsku nie pryjedzie. «Kali ja pryjedu, mianie čakajuć 5 artykułaŭ kryminalnaha kodeksu, ad abrazy Łukašenki i ekstremizmu da dyskredytacyi Biełarusi i špijanažu. Tak sabie pierśpiektyva. Mnie zdajecca, ja na voli bolš karysny», — patłumačyŭ jon «Našaj Nivie», ale abiacaje prysutničać «u niejkaj formie».
Niechta maje miljonnuju aŭdytoryi ŭ Jutubie, jahony apošni film za tydzień sabraŭ paŭtara miljona prahladaŭ, 90 tysiač łajkaŭ i 45 tysiač kamientaŭ.
Film nazyvajecca «Łukašenka. Kryminalnyja materyjały» i rezka krytykuje kiraŭnika Biełarusi. Alaksandra Łukašenku ŭ im abvinavačvajuć u parušeńniach zakonnaści. A taksama ŭ tym, što jon, u marnym spadziavańni zaniać post prezidenta Rasii ŭ 1990-ch, dazvoliŭ Maskvie atrymać kantrol nad Biełaruśsiu.
«Mocnaje videa najvyšejšaha ŭzroŭniu, Ściapanu reśpiekt», — piša adzin z kamientataraŭ, i hety vodhuk sabraŭ 3000 łajkaŭ. U cełym ton kamientaŭ vielmi krytyčny ŭ adnosinach da sistemy.
21-hadovy Ściapan Puciła, viadomy pa naźvie svajho Jutub-kanała Niechta, maje 295 000 padpisčykaŭ u Jutubie i bolš za 100 tysiač — u Telehramie, što zrabiła jaho samym papularnym hramadska-palityčnym błohieram. U lutym 2018 hoda suprać Ściapana Puciły sprabavali zavieści kryminalnuju spravu pavodle artykuła 368 KK RB «Abraza prezidenta» za roliki na YouTube, nibyta pa skarzie nieviadomaj hramadzianki. Z taho času jon nie naviedvaje Biełaruś.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?8
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary