Śpiecyjalisty nazvali pryčyny śpioki ŭ kvaterach u pačatku aciaplalnaha siezona
U Departamiencie pa enierhaefiektyŭnaści Dziaržstandartu patłumačyli, čamu ŭ pačatku aciaplalnaha pieryjadu ŭ mnohich šmatkvaternych žyłych damach byvaje horača, niahledziačy na najaŭnaść hrupavych pryboraŭ uliku ciapła i sistem aŭtamatyčnaha rehulavańnia raschodu ciepłaenierhii, pieradaje BiełTA.
«Ludzi skardziacca na pierapały, kali pačynajecca aciaplalny pieryjad: zapaŭniajecca sistema aciapleńnia, i absłuhoŭvajučy piersanał nastrojvaje sistemy aŭtarehulavańnia, — adznačyŭ namieśnik staršyni Dziaržstandartu — dyrektar Departamienta pa enierhaefiektyŭnaści Michaił Małašenka. — Usie sistemy aŭtamatyčnaha rehulavańnia paśla ŭklučeńnia padačy ciepłanośbita absłuhoŭvajucca na praciahu 10 dzion. U hetyja dni i mahčymyja pierapały».
Pa słovach Michaiła Małašenki, nieabchodna ŭličvać i toj fakt, što sistemy aŭtamatyčnaha rehulavańnia raschodu ciepłaenierhii nastrojenyja nie na plusavuju tempieraturu, a na aciaplalnuju — nižej za nul. Tamu zaraz, kali słupok termomietra pakazvaje plus 10, damy znachodziacca ŭ režymie prapalvańnia, heta značyć praktyčna ŭ ručnym režymie.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary