Publičnaja svarka: były pamočnik Kanapackaj parazituje na jaje imieni i nie addaje supołku ŭ telehramie
Čarhovy veb-skandał zakruciŭsia vakoł Dzianisa Cichanienki, byłoha pamočnika deputatki Hanny Kanapackaj.
Čytajcie taksama: Pamočnik Kanapackaj kinuŭ moładź, aburanuju zakonam ab pryzyvie. Nieviadoma, dzie sabranyja hramadoj hrošy
Sprava ŭ tym, što Cichanienka administravaŭ telehram-čat z nazvaj «Hanna Kanapackaja», kudy prychilniki deputatki prychodzili zadać pytańnie ci abmierkavać niejkuju reč.
I tut akazałasia, što chacia Kanapackaja i razyšłasia ź Cichanienkam, toj nie choča addavać joj kantrol nad jaje čatam, jaki tak i nazyvajecca — «Hanna Kanapackaja» i maje bolš za 800 udzielnikaŭ.
U noč na paniadziełak pamiž imi ŭ hetym čacie adbyłasia kamičnaja razmova, u jakoj paŭdzielničali i vypadkovyja karystalniki.
Denis Tikhonenko: Nie treba množyć čaty.
Anna: Dzianis, tady addajcie mnie kiravańnie hetym čatam. Bo imia majo, a kirujecie vy. Nie paradak.
Andrey: Nu i nu. Načalnik z pamočnikam nie moža razabracca, deputat z partyjaj, a narod śmiajecca.
Denis Tikhonenko: Łuchta niejkaja.
Artem Omelchuk: A vy dakładna Hanna Kanapackaja?
Denis Tikhonenko: Ja ŭžo taksama pačynaju sumniavacca ŭ tym, što tut adbyvajecca.
Anna: Ja dakładna viedaju, chto ja. [U adkaz da Artem Omelchuk]
Denis Tikhonenko: Śviet fejkaŭ i tajamnic. Heta kłon. Praz 10 chvilin pačniecca paniadziełak i kareta pieratvorycca ŭ harbuz.
Anna: Dyk addaścio kiravańnie čatam? Usio ž taki ŭdzielnikaŭ cikavić majo mierkavańnie, a nie vašaje, maje inicyjatyvy, maja rabota…
Denis Tikhonenko: Heta čystaja pravakacyja! Hanna Kanapackaja zaŭsiody była ŭ čacie administrataram. U jaje nichto ničoha nie zabiraŭ, dy i nie piša jana tak pozna nikoli. Na telefon ciapier nie adkazvaje. Nu nafih.
Anna: Dzianis, davajcie vy nie budziecie tut kryvadušyć.
Jak udakładniła «Naša Niva», akaŭnt Anna sapraŭdy naležyć Kanapackaj — da jaho pryviazany jaje numar, ale deputatka situacyju kamientavać nie choča.
A što kaža Cichanienka?
U adkaz na pytańni «Našaj Nivy» palityk staŭ rabić vyhlad, što jon zvyčajny karystalnik čata. Ale heta niapraŭda, bo ŭ telehram-čacie adlustroŭvajucca ludzi z pravami administratara, taki tam tolki adzin — Cichanienka.
Bolš za toje, Cichanienka davodzić, što jon u zhadanym čacie ŭvohule zabanieny, ale heta taksama niapraŭda — jaho paviedamleńni praciahvajuć tam źjaŭlacca.
Kamientary