Sabrali niekalki paradaŭ pra toje, jak pravilna vybrać krem, jaki abaronić skuru ŭ chałady.
Spačatku pra kampanienty, jakich być nie pavinna. Heta vazielin (petrolatum), parafin (paraffinum) i vosk (microcrystalline wax).
«Hetyja kampanienty majuć dobraje achoŭnaje dziejańnie ad straty vilhaci, ale pry pastajannym vykarystańni kletki skury pierastajuć adnaŭlać lipidny barjer samastojna, skura nie ŭtrymlivaje vilhać. U vyniku čałaviek nie moža abyścisia biez kremu i jaho pačynaje niepakoić suchaść i ściahnutaść skury», — tłumačyć kaśmietołah Natalla Mucha.
Taksama treba paźbiahać u składzie minieralnaha aleju (mineral oil), bo jon zabivaje pory i zapavolvaje naturalny praces rehienieracyi skury. Farmaldehidy (formaldehyde) i tryetanałamin (triethanolamine) paskarajuć stareńnie kletak skury, źnižajuć jaje ełastyčnaść. A kansiervanty (parabieny), bienzafienon (benzophenone-3) i štučnyja farbavalniki (Je-100, Je-182) mohuć vyklikać alerhiju.
«U składzie zimovaha pažyŭnaha kremu pavinny być tyja ž kampanienty, što ŭvachodziać u skład hidralipidnaj mantyi skury — naturalnaha achoŭnaha słoja našaha cieła.
Heta tłustyja kisłoty, naprykład alfa-lipojevaja, aleinavaja, ceramidy, a taksama vitamin Je, alei, hliceryn, ekstrakty vodaraściaŭ, jakija zatrymlivajuć vilhać unutry epidermisa i nie dajuć skury pierasochnuć», — raić kaśmietołah.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary