U navapołackaj balnicy pacyjenty kurać prosta ŭ pałacie VIDEA
Heta vidać na videa, jakuju ŭ supołku «Skarha. Połack i Navapołack» zaliŭ pacyjent, jaki zachacieŭ zastacca ananimnym.
Voś jakimi słovami jon supravadziŭ videa:
«Lažaŭ niadaŭna ŭ Navapołackaj centralnaj haradskoj balnicy. Voś takoje biazładździe naziraŭ try dni ŭ pałacie. Pjuć, kurać prama ŭ pałacie. Piersanał u kursie. Dym stajaŭ słupam i ŭ pałacie, i ŭ kalidory. Pry hetym usim pry kureńni navat vokny nichto nie adkryŭ. Ja maŭču pra pažarnuju biaśpieku. Dy i akramia ŭsiaho hetaha pa ŭsioj balnicy bardak!» — piša pacyjent.
Heta videa chutka dajšło da kiraŭnictva i balnicy, i horada. Była stvoranaja kamisija, jakaja ciaham dnia pracavała ŭ balnicy, daviedvałasia, jak takoje parušeńnie stała mahčymym.
Namieśnica hałoŭnaha doktara Navapołackaj balnicy Iryna Šamiankova patłumačyła «Našaj Nivie»:
«Pa-pieršaje, my chočam padziakavać hetamu pacyjentu, jaki źniaŭ heta videa. Parušeńnie režymu, nievykanańnie rekamiendacyj daktaroŭ — heta vializnaja prablema, ź jakoj my, miedyki, sutykajemsia kožny dzień. Razumiejecie, u nas nie režymny abjekt, my nie možam sačyć za kožnym z pacyjentaŭ. Kali pacyjent pastupaje ŭ balnicu, jon raśpisvajecca ŭ tym, što aznajomleny z praviłami ŭnutranaha rasparadku ustanovy. Što tyčycca hetaha pacyjenta, to jon lažaŭ u traŭmatałahičnym adzialeńni bolš za miesiac i nieadnarazova parušaŭ režym, što miedycynski piersanał fiksavaŭ ŭ dakumientach», — tłumačyć Iryna Šamiankova.
Zaraz za sistematyčnaje parušeńnie režymu hety pacyjent vypisany.
«Razumiejecie, daktary stanoviacca zakładnikami abstavin. My nie možam vypisać pacyjenta, tamu što jaho zdaroŭje pad pahrozaj, i ŭ hety samy momant pacyjent absalutna ihnaruje rekamiendacyi daktaroŭ i praviły rasparadku balnicy. Na žal, svajaki i siabry našych pacyjentaŭ taksama nie pavažajuć pracu miedykaŭ, prynosiać im i cyharety, i śpirtnyja napoi. My ž nie možam praviarać sumki kožnaha», — kaža namieśnica hałoŭnaha doktara.
Iryna Šamiankova pryznajecca, što takija vypadki, na žal, nie redkaść.
«My zabirajem usio zabaronienaje, pra ŭsie parušeńni naš miedpiersanał paviedamlaje kiraŭnictvu balnicy. Kankretna ŭ hetym vypadku ŭsie parušeńni pacyjenta dakumientalna zafiksavanyja. A ci budzie pryciahnuty pacyjent da adkaznaści, heta ŭžo kampietencyja nie ŭstanovy achovy zdaroŭja», — adkazała Iryna Šamiankova.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary