Hałoŭny transpłantołah Biełarusi Aleh Rumo vykazaŭsia za admienu śmiarotnaha pakarańnia
Aleh Rumo vystupaje za ŭviadzieńnie maratoryja na śmiarotnaje pakarańnie, ale adznačaje, što rašeńnie pa hetym pytańni pavinien prymać narod. Pra heta dyrektar Minskaha navukova-praktyčnaha centra chirurhii, transpłantałohii i hiematałohii i člen Savieta Respubliki Aleh Rumo raspavioŭ u efiry ANT, piša Tut.by.
— Kali ŭziać maju pazicyju — pazicyju humanista i doktara, to ja vystupaju za maratoryj na śmiarotnaje pakarańnie. Ja vydatna razumieju, što śmiarotnaje pakarańnie prosta tak nie adbyvajecca ŭ našaj krainie. Heta ludzi, jakija ździajśniajuć toje, što niesumiaščalna z paniaćciem «čałaviek». Heta ludzi, jakija ździajśniajuć toje, što navat žyvioły nikoli nie ździajśniajuć i nie dazvalajuć sabie. Tym nie mienš ja za maratoryj na śmiarotnaje pakarańnie pa adnoj prostaj pryčynie — stopracentnuju harantyju taho, što nie ździejśnienaja pamyłka, dać niemahčyma. Kali b była stopracentnaja harantyja, ja, zychodziačy z svajoj prafiesii, usio roŭna liču, što pazbaŭlać čałavieka žyćcia nielha. Tamu što z pazbaŭleńniem čałaviečaha žyćcia ŭsio zakančvajecca, — zajaviŭ Rumo.
Pry hetym jon adznačyŭ, što pakarańnie pavinna być adekvatna tamu złačynstvu, jakoje ździejśniena.
— Ale maja hramadzianskaja pazicyja ŭ tym, što nie ja vyrašaju — vyrašaje narod, — dadaŭ Aleh Rumo.
Kamientary